بەپەلە ... گۆڕان ... یەکیتی لە سەتا ٦٠ % دەنگەکانی لە کەرکووک ساختە کراوە

بەرپرسێکی بزووتنەوەی گۆڕان، ئاماژە بۆ ئەوە دەکات، کە تەواوی دەنگە ساختەکانی سنووری پارێزگای کەرکووک ھی یەکێتییە نەک لایەنی دیکە.

ھێمن شێخانی، ئەندامی جڤاتی نیشتمانیی بزووتنەوەی گۆڕان، ڕایگەیاند: ”وەک ئەوەی ئێمە زانیاریمان لەلایە لە کۆی ئەو سندوقانەی کە ڕۆژی سێشەممە ٣\٧\٢٠١٨، لە کەرکووک ھەژمار کراون، بەڕێژەی ٦٠٪ ساختەکاری لە دەنگەکاندا کراوە، ھەروەھا تەواوی ساختەکارییەکانیش ھی یەکێتیی نیشتمانییە و لایەنێکی دیکە نییە“.

بەرپرسەکەی گۆڕان، ئاماژەی بەوەش دا، کە ئەو دەنگانەی کە بە ئەلیکترۆنی پێیان دراوە، لەگەڵ ئەوەی ئێستادا بەڕێژەی ٦٠٪ جیاوازی ھەیە، بۆیە یەکێتییەک ئامادەبێت دەنگی تەواوی ھاووڵاتییان و تەواوی بخاتە ژێر پرسیارەوە، ئەوا دەتوانێت ئامادەکاری بۆ ٥٠ سندوقیش بکات.

ئاشکراشی کرد، کە ڕێککەوتنی نێوان موقتەدا سەدر و حەیدەر عەبادی، لەپاڵ ئەوانیش ھەندێ لایەنی دیکە، وای کرد کە یاسا و سەروەری عێراق بخەنە ژێر پێوە، دەشڵێت: ”لە ١٢\٥\٢٠١٨ بینیمان کە ساختەکارییەکەی یەکێتی شێتانە کرابوو، واتە بە شێوەیەک کرابوو کە ئەوەندەی هیوای پۆست و کورسییان ھەبوو و بە ئاشکرا دیار بوو، کەس نەیدەتوانی نکۆڵی لێ بکات، ھەورەھا خودی خۆیان نەیاندەزانی چۆن کردوویانە“.