بەپەلە ... پارێزەرانی ڕۆژهەڵاتی کوردستان ڕاگەیندراوێکیان بڵاو کردەوە

گرووپی چەکداری پارێزەرانی ڕۆژهەڵاتی کوردستان بە بڵاو کردنەوەی ڕاگەیندراوێک ڕایانگەیاند کە لە شاری شنۆ هێرشیان کردووەتە سەر ئۆتۆمبێلێکی هێزە ئەمنیەتییەکانی ئێران.

بە پێی ئەو ڕاگەیندراوە هاتووە کە ، لە ئەنجامی ئەو هێرشەدا ئۆتۆمبێلێکی سەربازی کە هەڵگری ١٠ کەس لە هێزە ئێستێخباراتییەکانی حکوومەت بووە کراوەتە ئامانج و لەئاکامدا ٤ کەس کوژراو و بریندار بوون.

ئەو هێرشە کاتژمێر ٢ی پاش نیوەڕەۆی دوێنێ شەممە " ١ی سێپتامبری ٢٠١٨ " ئەنجام دراوە.

هەروەها ڕایگەیندراوە کە ئەو هێرشە لە جاددەی شنۆ بۆ نەغەدە و بۆ سەر مینی پاسێک ئەنجامدراوە کە سێ ئەندامی سوپای پاسدارانی تێدا بووە و لە ئاکامدا ئەندامێکی سوپای پاسداران کە خەڵکی ئورمیە بووە بریندار بووە.

ئەو پاسدارە بە مەبەستی چارەسەریی پزیشكی ڕەوانەی ناوەندە دەرمانییەکانی شاری پیرانشار کراوە.