دەستگیرانی ١٣ داواکراو لەلایەن هەواڵگریی عێراقەوە

پەیامی کورد... دەستگیرانی ١٣ داواکراو لەلایەن هەواڵگریی عێراقەوە

دەزگای هەواڵگری عێراق بڵاوی کردەوە، ١٣ داواکراویان دەستگیر کردووە کە یەکێکیان مەترسیدار بووە مووشەک و کاریان دانانی مووشەک و مادەی تەقینەوە بوو لە بەغدا و کەرکووک.

لە ڕاگەیەنراوێکدا ئاماژە بەوەکرداوە کە هێزەکانیان لە پرۆسەیەکی پێشوەختەدا لە هەر دوو پارێزگای بەغدا و کەرکووک ١٣ تۆمەتباریان دەستگیر کرد کە بە مادەی ٤ی تیرۆر داوا کرابوون لەناویاندا بەرپرسی تیرۆر کردن و کۆچ پێکردنی هاووڵاتییانی تێدایە کە تۆمەتبارەکان لە ویلایەتەکانی جنوب و کەرکووک و کەتیبەی سەڵاحەدینی داعش کاریان کردووە.

ڕاشیگەیاندوە، لە پرۆسەیەکی تردا لە قەزای دوبس توانیویانە تیرۆریستێکی داواکراو دەستگیر بکەن کە ماڵەکەی خۆی کردووە بە عەمبارکردنی خۆراک و حەشارگە بۆ داعشە بیانییەکان.

دەزگای هەواڵگری ئاشکراشیکردوە، لەو پرۆسانەدا ١١ مووشەکیان دەستبەسەردا گرتووە کە یەکێکیان مووشەکی نەمساوی بوو هەروەها چەندین مادەی تەقینەوەی تر کە بە پڕکراوی ئامادەکراون بۆ کاری تیرۆریستی.