هێزەکانی حەفتەر مزگێنی گەڕانەوەی لیبیا دەدەن

پەیامی کورد     ...    هێزەکانی حەفتەر مزگێنی گەڕانەوەی لیبیا دەدەن

ئەحمەد ئەلمسماری ، ووتەبێژی ئەرتەشی نەتەوەیی لیبیا بە فەرماندەیی مارشاڵ خەڵیفە حەفتەر ڕایگەیاند : تەرابلۆس پایتەختی لیبیا کە لە ئێستادا لە بن کۆنترۆڵی دەوڵەتی ویفاقی لیبیایە ، بەم زووانە دەگەڕێتەوە باوەشی ووڵات .

پێشتر ڕاپۆرتدرابوو کە ئەرتەشی نەتەوەیی لیبیا هەموو هێرشەکانی دەوڵەتی ویفاقی نەتەوەیی لیبیا یان بۆ سەر بنکەی سەربازی الوطنیە لە باشووری ڕۆژئاوای تەرابلۆس بەرپەچ داوەتەوە .

بە پێی ڕاپۆرتێک ئەلمسماری ڕایگەیاند : تەرابلۆس بە زوویی دەگەڕێتەوە باوەشی ووڵات 

ووتەبێژی ئەرتەشی نەتەوەیی لیبیا هەروەها ووتی کە لە کاتی بەرپەچ دانەوەی هێرش بۆ سەر بنکەی سەربازی الوطنیە ٨ کەس لە ئەندامانی ئەم ئەرتەشە کوژراون .

هێزەکانی دەوڵەتی ویفاقی نەتەوەیی لە دوای هێرشێکی خێرا و داگیر کردنی شارەکانی صبرات ، سورمن و العجیلات ، لە ڕۆژئاوای تەرابلۆس ، کۆنترۆڵی سنووری لیبیایان لەگەڵ ووڵاتی دراوسێ توونس دا زیندوو کردەوە .