پەیامی کورد   ...    ئاشکراکردنی سیخوڕیکردنی دوو سەربازی ئیسرائیل بۆ کۆماری ئیسلامی لە کاتی شەڕی غەززەدا

بە پێی ڕاپۆرتی ڕۆژنامەی هائارتس ی ئیسرائیلی، نووسینگەی دادستانی ناوچەی حەیفا لە باکووری ئیسرائیل دوو یەدەگی سوپای ئیسرائیلی بە گواستنەوەی زانیاری هەستیار و سیخوڕی لە بەرژەوەندی کۆماری ئیسلامی تۆمەتبار کردووە.
بە پێی ئەم ڕاپۆرتە، یەکێک لە یەدەگەکان بە ناوی یوری ئیلیاسۆڤ لە کاتی شەڕی غەززەدا زانیاری هەستیار و گرینگی پێوەندیدار بە سیستەمی قوبە ئاسنین بۆ کۆماری ئیسلامی گواستەوە. سەربازی دووەم بە ناوی جۆرجی ئەندریڤ کە لە بارەگای وەزارەتی بەرگری ئیسرائیل کاری کردووە، زانیاری گرینگی بە کۆماری ئیسلامیش خستووەتەڕوو.

لە ڕاپۆرتەکەدا هاتووە، ئەو دوو کەسە تۆمەتی "سیخوڕیکردن، هاوکاریکردنی دوژمن لە کاتی شەڕدا، پێدانی زانیاری نهێنی بە دوژمن و پەیوەندیکردن لەگەڵ بریکارێکی بیانی"یان تۆمەتبار کراون.

هەروەها تۆمەتبارن بە نەخشاندنی دیواری لایەنگری کۆماری ئیسلامی لە شوێنە گشتییەکان لە هەندێک ناوچەی ئیسرائیل.

بەگوێرەی ڕۆژنامەکە، "ئەلیاسۆفۆف لەکاتی خزمەتکردنی یەدەگەکەیدا وێنە و ڤیدیۆی شاشەی ڕاداری قوبە ئاسنی گرتووە". "ئەم لاپەڕەیە زانیاری دەربارەی شوێنی سیستەمەکە و زانیارییە نهێنییەکانی دیکە پیشان دەدا."

پۆلیسی ئیسرائیل و دەزگای ئاسایشی شین بێت تا ئێستا هیچ لێدوانێکیان لەسەر ئەو بابەتە نەداوە.