پەیامی کورد   ...   ئیلۆن ماسک ڕۆیتەرز بە درۆکردن تۆمەتبار دەکات

سەرچاوەکان باس لەوە دەکەن کە تێسلا بڕیاری هەڵوەشاندنەوەی مۆدێلی ٢ی لە کۆبوونەوەیەکدا زانیوە کە ژمارەیەکی زۆر لە کارمەندانی تێدا بەشداربوون، یەکێکیان بانگەشەی ئەوەی کردووە کە گردبوونەوەکە لە کۆتایی مانگی شوباتدا ئەنجامدراوە.
بەڕێوبەری جێبەجێکاری کۆمپانیای تێسلا ئەمریکی ڕاپۆرتێکی دوێنێی ڕۆیتەرزی ڕەتکردەوە کە تیسلا پڕۆژەی بەرهەمهێنانی ئۆتۆمبێلێکی کارەبایی کەم تێچووی هەڵوەشاندەوە بەهۆی کێبڕکێی تووندی بەرهەمهێنەرانی چینی.

ڕۆژی هەینی ڕۆیتەرز بە پشت بەستن بە سەرچاوە ئاگادارەکان و پەیامەکانی کۆمپانیای تێسلا ڕایگەیاند کە کۆمپانیای درووستکردنی ئۆتۆمبێل لەبری ئەوەی ئامانجی لەمێژینەی ماسک کە گەیاندنی ئۆتۆمبێلی کارەبایی گونجاوە بۆ جەماوەر، سەرنجی لەسەر پەرەپێدانی ڕۆبۆ-تاکسی خۆ لێخوڕین دەبێت.

ماسک لە تۆڕی هەواڵی ئێکس نیووز (پێشتر تویتەر) لە پۆستێکدا سەبارەت بە ڕاپۆرتەکەی ڕۆیتەرز نووسیویەتی: ڕۆیتەرز درۆ دەکات (دیسانەوە).

ئاژانسەکە بڵاویکردەوە، نرخی ئەو ئۆتۆمبێلە کەم نرخەی کە بڕیار بوو بەرهەم بهێندرێت، هەندێک جار پێی دەوترێت مۆدێلی ٢، بڕیارە لە ٢٥ هەزار دۆلارەوە دەست پێبکات. کۆمپانیای ماسک بۆ یەکەم جار لە مانگی ئەیلولی ٢٠٢٠ لە بۆنەیەکی کۆمپانیاکەدا بەرهەمهێنانی ئەم مۆدێلەی ڕاگەیاند.
سەرچاوەکان باس لەوە دەکەن کە تێسلا بڕیاری هەڵوەشاندنەوەی مۆدێلی ٢ی لە کۆبوونەوەیەکدا زانیوە کە ژمارەیەکی زۆر لە کارمەندانی تێدا بەشداربوون، یەکێکیان بانگەشەی ئەوەی کردووە کە گردبوونەوەکە لە کۆتایی مانگی شوباتدا ئەنجامدراوە.

بەپێی زانیارییەکان ئەو کەسە دەڵێت: "رێنماییەکانی ئیلان ئەوەیە کە هەموو شتێک لە توانای خۆیدا بکات بۆ ئەوەی بگاتە ڕۆبۆتێکسی".

سەرچاوەیەکی دیکە هەڵوەشاندنەوەی بەرهەمهێنانی ئۆتۆمبێلەکەی پشتڕاست کردەوە و ڕایگەیاند، تێسلا بەرهەمهێنانی ڕۆبۆتاکسی لە پلانە نوێیەکانیدا جێگیرکردووە، بەڵام بە قەبارەیەکی زۆر کەمتر لەوەی کە پلانی بۆ دانرابوو بۆ مۆدێلی ٢.

ڕۆیتەرز نووسیویەتی: پێچەوانەبوونەوەی ڕواڵەتی (خشتەی بەرهەمهێنان) لە کاتێکدایە کە تێسلا ڕووبەڕووی کێبڕکێی جیهانی تووند دەبێتەوە لەلایەن کۆمپانیاکانی درووستکەری ئۆتۆمبێلی کارەبایی چینییەوە کە بازاڕیان بە ئۆتۆمبێلی ژێر ١٠ هەزار دۆلار لافاو کردووە.

هەروەها لە بابەتەکەدا ئاماژە بەوە کراوە کە کۆمپانیای درووستکردنی ئۆتۆمبێلی ئەمریکی درەنگ هاتۆتە ناو ئەم بەشەوە، بەشێکیش بەهۆی بڕیارە بنەڕەتییەکەی ماسکەوە بۆ ئەوەی سەرنجی لەسەر بەرهەمهێنانی ئۆتۆمبێلی سایبێرترۆکی زۆر تاقیکاری بێت نەک ئۆتۆمبێلێکی گونجاو.