پەیامی کورد   ...   ئێرانییەک بوو بە دەستە ڕاستی ئیلۆن مەسک.

ئومێد ئەفشار، پیاوێکی تەمەن ٣٧ ساڵ و بەڕەچەڵەک ئێرانی و بە یەکێک لە کەسە متمانەپێکراوەکانی ئیلۆن مەسک ناسراوە، نازناوی بەرپرسی ئۆپراسیۆنەکانی تێسلا لە ئەورووپا و ئەمریکای وەرگرت.
ئیلۆن ماسک، بەڕێوبەری جێبەجێکاری کۆمپانیای تێسلا، لە هەنگاوێکی نوێدا، یەکێک لە بەڕێوبەرە ئێرانییەکانی وەک بەرپرسی سەرپەرشتیکردنی کارە بەرفراوانەکانی کۆمپانیاکە لە دوو کیشوەری ئەمریکا و ئەورووپا هەڵبژارد. ئومێد ئەفشار کە پێشتر لە ئۆفیسی بەڕێوبەری جێبەجێ کاری کۆمپانیای تێسلا کاری دەکرد، ئێستا بەرپرسیار دەبێت لە دەرهێنان و سەرپەرشتیکردنی بەشێکی بەرچاو لە کارەکانی ئەم کۆمپانیایە ئۆتۆمبێلە.

ئەفشار کە لە ساڵی ٢٠١٧ وەک بەڕێوبەری بەرهەم پەیوەندی بە کۆمپانیای تێسلا کردووە، لە ساڵی ٢٠٢٢ کەوتە ژێر چاودێری ناوخۆیی یەوە بەهۆی ڕۆڵی لە کڕینی کەرەستەی بیناسازی دا. هەروەها مێژوویەکی هەیە لە کارکردن لەگەڵ کۆمپانیاکانی تری ئیلۆن ماسک، وەک سپەیس ئێکس و ئێکس. دانانی ئەفشار بۆ ئەم پۆستە گرینگە، نیشانەی متمانەی بەرزی ئیلۆن ماسک بە توانا و ئەزموونی ئەم بەڕێوبەرە ئێرانییەیە.

ئەم گۆڕانکارییانە لە پێکهاتەی بەڕێوەبردنی تێسلا لە کاتێکدا ڕوودەدەن کە کۆمپانیاکە لەم دوایی یانەدا بۆنەیەکی گەورەی ئەنجامداوە. لە چالاکی "ئێمە، ڕۆبۆت"، تێسلا پەردەی لەسەر بەرهەمە نوێیەکانی وەک سایبەرکیوب و ڕۆبۆن لادا. بەڵام پێدەچێت ئەو ڕووداوە نەیتوانیوە چاوەڕوانی وەبەرهێنەران بەدی بهێنێت و لە ئەنجامدا پشکەکانی تێسلا دابەزین.
جگە لە دانانی ئومێد ئەفشار، گۆڕانکاری دیکە لە هەیکەلی بەڕێوەبردنی تێسلادا کراوە. ئێستا ئاشۆک ئێلسوامی بەرپرسی بەشی ئۆتۆپایڵۆت و نەرمەکاڵاکانی AI ی کۆمپانیای تێسلایە و میلان کۆڤاچ وەک جێگری سەرۆکی بەشی ڕۆبۆتە مرۆڤدۆستەکانی ئۆپتیمووس ەوە دەستنیشانکراوە.

کورتەیەک لە ژیاننامەی ئومێد ئەفشار
ئومێد ئەفشار، بەڕێوبەری ئێرانی کۆمپانیای تێسلا، کەسێکی خاوەن ئەزموون و شارەزایی بەرفراوانە لە بواری ئۆتۆمبێلی کارەبایی و تەکنۆلۆژیای پەیوەندیدار. لە ساڵی ٢٠١٧ وەک بەڕێوبەری بەرهەم پەیوەندی بە کۆمپانیای تێسلا کردووە و لەم ماوەیەدا ڕۆڵێکی گرینگی هەبووە لە پەرەپێدانی بەرهەمەکانی کۆمپانیاکە. جگە لە تێسلا، ئەفشار لە کۆمپانیاکانی تری ئیلۆن ماسک وەک سپەیس ئێکس و ئێکس کاری کردووە. بەهۆی توانای بەڕێوەبردن و تەکنیکی، بووەتە یەکێک لە کەسە متمانەپێکراوەکانی ئیلۆن ماسک.

ئەم بابەتە 14431 جار خوێندراوەتەوە