پەیامی کورد    ...   ئێستا ئیلۆن ماسک کۆنتڕۆڵی دوو لەسەر ٣ی مانگە دەستکردە چالاکەکانی خولگەی زەوی دەکات

هەینی ڕابردوو، دوای هەڵدانی حەوت هەزارەمین مانگی دەستکردی ستارلینک، ئێستا ئیلۆن ماسک خاوەنی نزیکەی دوو لەسەر سێی مانگە دەستکردە چالاکەکانی خولگەی زەوییە.

لە دوای ناردنی یەکەم مانگی دەستکرد لە ساڵی ٢٠١٩، خزمەتگوزاری ئینتەرنێتی مانگی دەستکردی کۆمپانیای سپەیس ئێکس بە تێکڕا ڕۆژانە ٣ مانگی دەستکردی زیادکردووە. ئێستا سپەیس ئێکس ٦٣٧٠ مانگی دەستکردی چالاکانەی ستارلینکی لە خولگەی نزمدا هەیە و سەدان مانگی دەستکردی دیکەش ناچالاکن یان لە دەرەوەی خولگەن، بەپێی زانیارییەکانی شوێن پێ هەڵگری مانگی دەستکردی سێلێستراک.