پەیامی کورد   ...   ئێمانۆئێل ماکرۆن دەست لەکارکشانەوەی سەرۆک وەزیرانی فەڕەنسای ڕەتکردەوە 

لە ھەڵبژاردنی خولی دووەمی پەرلەمانی فەڕەنسادا، ھاوپەیمانی چەپەکان سەرکەوتنی بەدەست ھێنا و پێش ھاوپەیمانییەکەی ماکرۆن و پارتە راستڕەوە تووندڕەوەکان کەوتووە، دەست لەکارکشانەوەی سەرۆک وەزیرانی ئەو ووڵاتەش ڕەتکرایەوە.
بەپێی ئەنجامە بەراییەکانی ھەڵبژاردنەکان، بەرەی نوێی گەل کە ھاوپەیمانی چەپەکانە لە پلەی یەکەم دایە و ٢١٥ کورسی بەدەستھێناوە و ھاوپەیمانی دەسەڵاتیش بەسەرۆکایەتی ئێمانۆئێل ماکرۆن ١٨٠ کورسی و پارتی گردبوونەوەی نیشتمانیش راستڕەوی تووندڕەو ١٥٥ کورسی پەرلەمانی بەدەست ھێناوە.
ھەر بەپێی ئەنجامە بەراییەکان ھیچ پارتێکی فەڕەنسا لە ھەڵبژاردنی پێشوەختی پەرلەمانیدا نەیانتوانیووە زۆرینەی رەھا بەدەست بھێنن و رێژەی دەنگدانیش زیاتر لە ٦٧.١٪ بووە کە بەرزترین رێژەیە لەماوەی زیاتر لە ٤٠ ساڵدا.