پەیامی کورد   ...   ئەمریکا دەستی بەسەر کەشتی تانکەرهەڵگرەکانی  ئێران دا گرت

لە چاوپێکەوتنێکدا وەزیری نەوتی عێراق بانگەشەی ئەوەی کرد کە ژمارەیەک تانکەری نەوتی ئێرانی لەلایەن حکوومەتی ئەمریکاوە دەستی بەسەردا گیراوە.

لە دوایین چاوپێکەوتنیدا وەزیری نەوتی عێراق بانگەشەی ئەوەی کرد کە ئەمریکا دەستی بەسەر ژمارەیەک تانکەری ئێرانی دا گرتووە کە بەڵگەنامەی ساختەیان بەکارهێناوە بۆ فرۆشتنی نەوت. هەروەها دانووستانەکانی نێوان بەغدا و واشینتۆن ی سەبارەت بە تۆمەتەکانی فرۆشتنی نەوتی ئێران لە بازاڕە جیهانییەکان لەژێر ناوی نەوتی عێراق ڕاگەیاند.

بەگوێرەی ڕاپۆرتێک ، بە پشت بەستن بە ئاژانسی هەواڵی سپۆتنیک، هایان عەبدولغەنی، وەزیری نەوتی عێراق لە چاوپێکەوتنێکدا لەگەڵ تەلەفزیۆنی دەوڵەتی عێراق ڕایگەیاند، هێزی دەریایی ئەمریکا دەستی بەسەر چەند کەشتییەکی نەوتهەڵگری ئێران دا گرتووە کە بەڵگەنامەیان ساختە کردووە. بە ووتەی ئەو، ئەو تانکەرانە بەڵگەنامەیان ساختە کردبوو بۆ ئەوەی دەربخەن ئەو نەوتەی دەیفرۆشن نەوتی عێراقە؛ بەڵام سەرچاوەی ئەم نەوتە ئێران بوو، ئەو بەڵگەنامانەی کە ئەم تانکەرانە هەیانبوو ساختە بوون.