پەیامی کورد   ...   ئەمریکا دەست بەسەر كردنی هاووڵاتییانی کوردی لە ئاهەنگەکانی نەورۆز مەحكووم دەکات

 ڕۆژی تێمی برووس ووتەبێژی وەزارەتی دەرەوەی ئەمریکا كاردانەوەی بەرامبەر بە دەست بەسەرکردنی بەکۆمەڵی هاووڵاتیانی کورد لە ئێرانی بەهۆی بەشداریکردن لە ئاهەنگەکانی نەورۆز نیشان دا.

ناوبراو ڕایگەیاند کە ئیدارەی دۆناڵد ترامپ ئاگاداری ئەو ڕاپۆرتانە هەیە و کۆماری ئیسلامی بە "یەکێک لە خراپترین پێشێلکارانی مافی مرۆڤ لە جیهاندا" ناوبرد و ڕەخنەی لێگرت.

برووس لە ووتەکانیدا جەختی لەوە کردەوە کە ڕێژیمی ئێران لە پێناو پاراستنی دەسەڵاتی خۆی پەنای بۆ سەرکوتی خەڵک بردووە و ماف و ئازادییە سەرەتاییەکانی لێ زەوت کردوون.

ناوبراو بە ئاماژە بە لەسێدارەدانی بەربڵاو، ئازاردانی کەمایەتییە ئایینی و نەتەوەییەکان و کەڵک وەرگرتن لە دەستبەسەرکردن و ئەشکەنجەدانی ئارەزوومەندانە، ووتی : کۆماری ئیسلامی لە هەموو ووڵاتێکی جیهان زیاتر خەڵک بە ناڕەوا لە سێدارە دەدات و هەر دەنگێکی ناڕازی بە شێوازی پاوانخوازانە بێدەنگ دەکات.