پەیامی کورد   ...   ئەمریکا سزای بەسەر چەند قەوارە و کەسایەتییەکدا سەپاند کە پەیوەندییان بە ڕووسیاوە هەیە.

وەزارەتی خەزێنەی ئەمریکا ڕۆژی چوارشەممە ڕایگەیاند کە ئەمریکا سزای پەیوەندیدار بە ئێران بەسەر سێ هاووڵاتی ڕووسیا و سێ قەوارەی ڕووسیادا سەپاندووە.

بەگوێرەی ڕاپۆرتێک ، لە ڕاگەێندراوەکەدا ئاماژە بەوە کراوە کە ئەمریکا یووری بێلیاکۆڤ، ڤیاچێسلاڤ ڤیدانۆڤ و سۆهراب غایرات، هاووڵاتییەکی ڕووسی بە ڕەچەڵەک ئەفغانی خستووەتە ژێر سزاکانەوە.

بەگوێرەی ئاژانسی RIA Novosti، سزاکان سێ کۆمپانیای پەیوەست بە "Zeal"یش دەکەنە ئامانج - LLC Edison، Kolibri Group و Sky Frame - هەروەها کەشتی AM THESEUS کە ئاڵای ڕووسیای لەسەرە.

وەزارەتی خەزێنەی ئەمریکا هەروەها کارینا ڕۆتنبێرگ هاوسەری ملیاردێری ڕووسی بۆریس ڕۆتێنبێرگ لە لیستی سزاکانی ووڵاتەکەی دوورخستەوە.

دوێنێ سەرچاوە هەواڵییەکان ڕایانگەیاند کە دوو هاووڵاتی ئێرانی لە لایەن وەزارەتی دادی ئەمریکاوە تۆمەتبارکراون بە تۆمەتی سپی کردنەوەی پارە و پێشکەشکردنی پاڵپشتی ماددی بۆ سوپای پاسدارانی ئینقلابی ئیسلامی، کە ئەمریکا وەک ڕێکخراوێکی تیرۆریستی بیانی دیاری کردووە.