پەیامی کورد   ...   ئەمڕۆ کۆبوونەوەكانی هەردوو ئەنجوومەن دەست پێ دەکه‌ن و دوو رۆژ دەخاێنێت

شاندێكی باڵای دارایی حكوومەتی عێراق بە سەرۆكایەتی فوئاد حسێن، جێگری سەرۆكوەزیرانی عێراق بۆ كاروباری ئابووری گەیشتنە هەولێر و لەلایەن شاندێكی وەزیرانی حكوومەتی هەرێمی كوردستان لە فڕۆكەخانەی نێودەوڵەتی هەولێر پێشوازیان لێكرا.

ئێوارەی شەممە، شاندێكی باڵای دارایی حكوومەتی فیدڕاڵ بە سەرۆكایەتی فوئاد حسێن، جێگری سەرۆكوەزیرانی عێراق بۆ كاروباری ئابووری و تەیف سامی، وەزیری دارایی عێراق گەیشتنە هەولێر و لەلایەن ڕێبەر ئەحمەد، وەزیری ناوخۆ و كەمال محەممەد، وەزیری سامانە سروشتییەكان و ئومێد سەباح، سەرۆکی دیوانی ئەنجوومەنی وەزیران و چەندان بەرپرسی دیکەی حکوومی پێشوازییان لێ کرا.

بەپێی زانیارییەکان ئەمڕۆ یەکشەممە کۆبوونەوەكانی هەردوو ئەنجوومەنی وەزاری عێراق بۆ کاروباری ئابووری و ئەنجوومەنی ئابووری هەرێمی کوردستان دەست پێدەکات.

کۆبوونەوەكانی هەردوو ئەنجوومەن دوو رۆژ دەخاینن، تێیاندا گفتوگۆ لەبارەی چارەسەرکردنی کێشە هەڵپەسێردراوەکانی نێوان هەردوولا بەپێی دەستوور دەکرێت.