پەیامی کورد   ...   ئەنجامی توێژینەوەکان : درەنگ لە خەو هەڵسان لە کۆتایی هەفتەدا دڵ دەپارێزێت

ئەگەر یەکێکیت لەو کەسانەی کە لە کۆتایی هەفتەدا دەخەویت، پێویست ناکات نیگەران بیت لە خەوتنی زیاتر لە ئاسایی، چونکە توێژینەوە نوێیەکان دڵنیات دەکەنەوە کە خەوتن لە کۆتایی هەفتەدا بۆ تەندروستیت باشە.
زۆربەمان لە هەفتەیەکی سەرقاڵی کارکردندا زۆربەمان کێشەمان هەیە بۆ ئەوەی حەوت بۆ نۆ کاتژمێر بخەوین چونکە خەوتن دەبێتە یەکەمایەتی لاوەکی و تا کۆتایی هەفتە ماندوومان دەکات.

 زۆرێک لە ئێمە لە کۆتایی هەفتەدا خەوتن هەڵدەبژێرین بۆ ئەوەی قەرەبووی خەوتن بکەینەوە؛ توێژینەوەیەکی ئومێدبەخش لەسەر ئەم کەسانە ڕەوایەتی ڕەفتارەکانیان پشتڕاستکردووەتەوە، بەو پێیەی دەرکەوتووە قەرەبووکردنەوەی خەوتن لە کۆتایی هەفتەدا کاریگەری ئەرێنی لەسەر تەندرووستی دڵ هەیە.

ڕوونە کە خەوتن ڕۆڵێکی گرنگی هەیە لە پاراستنی تەندروستی گشتی، لەوانەش تەندروستی دڵ و خوێنبەرەکان. کەم خەوی پەیوەندی بە زیادبوونی مەترسی بەرزبوونەوەی پەستانی خوێن و شەکرەی جۆری دووەم و قەڵەوی و بەتایبەتی نەخۆشییەکانی دڵەوە هەیە. کاتێک پێویست ناخەوین، جەستەمان بە زیادکردنی ئاستی هۆرمۆنەکانی سترێس وەڵام دەداتەوە، کە دەبێتە هۆی هەوکردن، کە هۆکارێکی سەرەکی ناسراوە بۆ تووشبوون بە نەخۆشییەکانی دڵ.

توێژینەوەیەک کە لە کتێبخانەی نیشتمانی پزیشکی ئەمریکا بڵاوکراوەتەوە دەریدەخات کەم خەوی دەبێتە هۆی ووڵامدانەوەی هەوکردن لە جەستەدا. ئەگەر ئەم هەوکردنە چارەسەر نەکرێت، دەبێتە هۆی کێشەی جیددی دڵ و بۆرییەکانی خوێن وەک جەڵتەی دڵ و جەڵتەی مێشک.

هەروەها تێکچوونی خەو، وەکوو وەستانی هەناسەدان لە کاتی خەودا کە هەناسەدان تێکدەدات، دەبێتە هۆی زیادبوونی فشاری دەروونی لەسەر دڵ و دەبێتە هۆی زیادبوونی ئەگەری سستبوونی دڵ.

توێژینەوەیەکی ئەم دواییە کە لە ماڵپەڕی خەوی تەندروستدا بڵاوکراوەتەوە، سەیری کردووە کە ئایا خەوتن لە کۆتایی هەفتەدا دەتوانێت مەترسییەکانی کەمخەوی کەم بکاتەوە، بە تایبەتی سەیری ئەو کەسانە دەکات کە شەش کاتژمێر یان کەمتر لە ماوەی هەفتەکەدا دەخەون، بەڵام قەرەبووی ئەم کەم خەوییەیان لەگەڵدا کردووەتەوە دوو کاتژمێری تر خەوتن لە کۆتایی هەفتەدا. لەم توێژینەوەیەدا دەرکەوتووە کە ئەم کەسانە مەترسی تووشبوونیان بە نەخۆشییەکانی دڵ و خوێنبەرەکان کەمترە لە چاو ئەوانەی کە بەشی پێویست ناخەون.

ئەنجامی ئەم توێژینەوەیە پشتڕاستی دەکاتەوە، هەرچەندە کەمخەوی لە ماوەی هەفتەدا دەبێتە هۆی مەترسی تەندرووستی، بەڵام قەرەبووکردنەوەی بە خەوی زیادە لە کۆتایی هەفتەدا ڕەنگە یارمەتیدەر بێت بۆ دوورکەوتنەوە لێیان.

بۆیە، لەکاتێکدا خەوتن لە کۆتایی هەفتەدا ڕەنگە یارمەتیدەر بێت، بەڵام یەکەمایەتیدان بە خشتەی خەوتنی ڕێکوپێک لە ماوەی هەفتەدا زۆر گرینگە.

جگە لە تەندرووستی دڵ، خەوتن لە کۆتایی هەفتەدا دەتوانێت کاریگەری ئەرێنی دیکەی هەبێت وەک باشتربوونی باری دەروونی، باشتربوونی کارکردنی مەعریفی، کەمبوونەوەی ئاستی فشار و سوودە تەندرووستییەکانی دیکە، هەروەها دەتوانێت بەشداربێت لە باشترکردنی تەندروستی دەروونی و جەستەیی گشتی.