پەیامی کورد   ...   ئەنجوومەنی پیرانی ئەمریکا بوودجەی نوێی بەرگری بە بڕی ٨٨٤ ملیار دۆلار پەسەند کرد

ئەنجوومەنی پیرانی ئەمریکا لە دوای دەرکردنی یاسای ساڵانەی ڕێگەپێدانی بەرگری نیشتمانی لە ڕۆژی چوارشەممەدا ڕێگەی بە 886 ملیار دۆلار خەرج کردنی سەربازی بۆ ساڵی 2024 دا.

ئەم پڕۆژە یاسایە سێ هەزار لاپەڕەیە و دەبێت پەسەند بکرێت، لە ئەنجوومەنی پیرانی ئەمریکا پشتیوانییەکی بەهێزی دوولایەنەی وەرگرتووە و بە 87 دەنگی بەڵێ لە بەرامبەر 13 دەنگی نەخێر پەسەند کراوە. ئێستا پڕۆژە یاساکە دەچێتە ئەنجوومەنی نوێنەران و بڕیارە پێش ئەوەی پەرلەمانتاران ڕۆژی پێنجشەممە بچنە ماڵەوە بۆ پشوودان، تاوتوێ بکرێت.

ئەنجوومەنی پیرانی ئەمریکا کە لە ژێر کۆنتڕۆڵی دیمۆکراتەکان دایە، وازی لە پرسە کۆمەڵایەتییە گرنگەکان هێناوە کە گرینگن بۆ یاسادانەرانی کۆنەپەرست، ڕەتیکردووەتەوە ئەو بڕگانە بخاتە ناوەوە کە دەستڕاگەیشتن بە لەباربردنی منداڵ و سنووردارکردنی چارەسەری ڕەگەزگۆڕاو بۆ سەربازەکان و خێزانەکانیان کە سەرەتای ئەمساڵ وەشانی ئەنجوومەنی نوێنەرانی پەسەندکردووە.

هەروەها بەپێی هەواڵێکی ڕۆژنامەی نیۆیۆرک پۆست، پڕۆژە یاساکە بەشی ٧٠٢ی یاسای چاودێری هەواڵگری بیانی تا ١٩ی نیسان درێژ دەکاتەوە. بڕیار بوو لە کۆتایی مانگی کانوونی دووەمدا مووڵەتی چاودێریکردن کە ڕێگە بە چاودێریکردنی بێ پرسیاری بیانییەکان دەدات لە ئەمریکا.

هەروەها لە پڕۆژە یاساکەدا گەورەترین زیادکردنی مووچەی سەربازەکان لە ماوەی زیاتر لە دوو دەیەدا پێشکەش دەکرێت، کە لە ساڵی داهاتوودا مووچەی سەربازەکان بە ڕێژەی لەسەدا ٥.٢ زیاد دەکات بۆ ئەوەی دامەزراندنی سەربازی و مانەوەی سەربازەکان بەرز بکاتەوە.

یاسای ڕێگەپێدانی بەرگری نیشتمانی ساڵی 2024 کە ئەولەویەتەکانی بوودجەی پێنتاگۆن بۆ ساڵی دارایی دیاری دەکات، هەروەها داوای 11.5 ملیار دۆلار دەکات بۆ پاڵنانی چین لە هیێندووستان و زەریای هێمن و 800 ملیۆن دۆلار هاوکاری سەربازی بۆ ئۆکراین.

چاک شومەر، سەرۆکی زۆرینەی دیموکراتەکانی ئەنجوومەنی پیران پێش دەنگدان لەسەر زەمینەی ئەنجوومەنی نوێنەران ڕایگەیاند: بە لەبەرچاوگرتنی کێشە گەورەکانی بواری ئاسایشی جیهانی، پەسەندکردنی پڕۆژە یاسای ڕێگەپێدانی بەرگری لە هەموو کاتێک گرنگترە. "پەسەندکردنی ئەم بوودجەیە وامان لێدەکات لە بەرامبەر ڕووسیا بوەستینەوە، لە دژی پارتی شیووعی چینی پتەو بوەستینەوە و دڵنیابین لەوەی بەرگری ئەمریکا لە هەموو کاتێکدا بە نوێ دەمێنێتەوە."

جۆ بایدن سەرۆکی ئەمریکا داوای لە کۆنگرێس کرد پێش کۆتایی ئەم هەفتەیە 61 ملیار دۆلاری دیکەی هاوکاری بۆ ئۆکراین پەسەند بکات. هەردوو پارتی کۆماری و دیموکرات لە کۆنگرێس ڕایانگەیاندووە، بەدووری نازانرێت داواکاری بەپەلەی سەرۆکی تەمەن 81 ساڵ بۆ دابینکردنی بوودجە بۆ ئەو ووڵاتە جەنگاوەرەکە بەم نزیکانە تێپەڕێت، چوونکە کۆمارییەکان دەیانەوێت گۆڕانکاری لە یاسای کۆچبەری ئەمریکا بخەنە نێو پرۆژە یاسای هاوکاری ئۆکراین.

هەروەها پرۆژە یاسای "یاسای ڕێگەپێدانی بەرگری نیشتمانی" ڕێگەپێدانی پێویست بۆ جێبەجێکردنی ڕێککەوتنی سێ قۆڵی هاوبەشی ژێردەریایی کە بە ACOS ناسراوە، کە لە نێوان ئەمریکا و ئوسترالیا و بەریتانیادا گەیشتووە، لەخۆدەگرێت. ڕێککەوتنەکە لە ساڵی 2021 کراوە و داوای گواستنەوەی سێ ژێردەریایی هێرشبەر لە جۆری ڤێرجینیا بۆ ئوسترالیا دەکات.

لەلایەکی دیکەوە، میچ مەککۆنێل، سەرۆکی کەمینەکانی ئەنجوومەنی پیران سەبارەت بە پڕۆژە یاسای بوودجەی سەربازی ووتی: بەم کارە پێنتاگۆن سەرنجی لەسەر مامەڵەکردن لەگەڵ ئاستەنگەکانی ئاسایشی نیشتمانی دەبێت، نەک درووستکردنی تەحەدای نوێ لەگەڵ سیاسەتە کۆمەڵایەتییە حزبییەکان.