پەیامی کورد   ...   ئەپڵ بووە یەکەم براندی تریلیۆن دۆلاری لە جیهان

بەهای مارکەی ئەپڵ ڕێژەی یەک ترلیۆن دۆلاری تێپەڕاندووە، کە بە بەراورد بە ساڵی ڕابردوو 15% گەشەی کۆمپانیای دروستکەری ئایفۆن نیشان دەدات. هەروەها بەهای Nvidia نزیکەی سێ هێندە زیادی کردووە.

لە ساڵی ٢٠٢٤ ئەپڵ بۆ سێیەم ساڵ لەسەریەک تاجی خۆی وەک "بەنرخترین براندی جیهان" پاراستووە. دوای ئەپڵ، گووگڵ بە 753 ملیار دۆلار و مایکرۆسۆفت بە 713 ملیار دۆلار بەنرخترین براندەکانی جیهانن.

جگە لەوەش کۆمپانیای Nvidia بۆ یەکەمجار هاتە ناو لیستی ١٠ براندی سەرەکی کانتار، ئەمەش بەهۆی بەناوبانگبوونی زیرەکی دەستکرد و گەشەسەندنی بازاڕی چیپی زیرەکی دەستکرد.