به‌م شێوه‌یه بڕیار له‌سه‌ر تۆمه‌تبارانی سووتانی بازاڕە‌كان ده‌درێت
پەیامی کورد ... به‌م شێوه‌یه بڕیار له‌سه‌ر تۆمه‌تبارانی سووتانی بازاڕە‌كان ده‌درێت
سه‌رۆكی ئه‌نجوومه‌نی پارێزگای هه‌ولێر ئاماژه به‌وه ده‌كات، سكاڵا له‌سه‌ر ئه‌وانه تۆمار كرا كه بازاڕی قه‌یسه‌ری هه‌ولێر و بازاڕە‌كانی دیكه‌یان سووتاندووه و په‌ڕاوه‌كانیش له‌لایه‌ن دادگاوه كاریان له‌سه‌ر ده‌كرێت.
عه‌لی ڕه‌شید، ڕایگەیاند : "به شێوه‌یه‌كی فه‌رمی خاوه‌ن دووكانه‌كانی بازاڕی قەیسەریی هه‌ولێر، كه زیانیان به‌ركه‌وتووه و دووکانەکانیان سووتاون، له پۆلیس سكاڵایان له‌سه‌ر ئه‌و كه‌سانه تۆمار کرد، کە هۆكاری سووتانی ئه‌و بازاڕه بوون و دواتر ئه‌م په‌ڕاوه ده‌كرێته‌وه و ده‌چێته لای دادوەر و بەڕێز دادوەریش ڕۆژی دانیشتنی بۆ دیاری ده‌كات، کە ئێستا لایه‌نی تۆمه‌تبار ده‌ستگیر كراون و دادوەر له‌سه‌ر په‌ڕاوی پۆلیس و داواكاری سكاڵاکارەکان، بڕیاری یاسایی خۆی ده‌دات كه چ سزایه‌ك ده‌درێن".
ڕەشید ڕاشیگه‌یاند: "دادوەر له كوردستانه‌وه داوا له به‌غدا ده‌كات كه به‌ڵگه‌كانیان بداتێ له‌سه‌ر بنه‌مای ئه‌وه‌ی كه به‌ڵگه و دانپێدانانیان هه‌یه و له‌سه‌ر بنه‌مای ڕاپۆرتی لێكۆڵینه‌وه‌ی به‌غدا، بڕیار له‌سه‌ر تۆمه‌تباران ده‌درێت".
ده‌شڵێت: "ئه‌م سكاڵایه بۆ وه‌رگرتنه‌وه‌ی مافی ئه‌وانه‌یه كه دووكانەکانیان سووتاون".
ئەم بابەتە 20211 جار خوێندراوەتەوە