به‌ڕێوبه‌رایه‌تی كه‌شناسی و بوومه‌له‌رزه‌زانی هه‌رێمی كوردستان رایگه‌یاند، ئه‌مڕۆ ئەگەری نمەبارانی کەم لەناوچە جیاجیاکانی هەرێم هه‌یه‌ و سبه‌ی هه‌ینیش نمەباران لەکاتەکانی بەرەبەیان دەست پێدەکات رێژەی دابارین زیاددەبێت بەتایبەتی لەناوچەکانی بادینان و پارێزگای دهۆک تاکوو کاتەکانی دوای نیوەڕۆ، لەکاتەکانی ئێوارە کاریگەری بەلاوازی دەمینێتەوە.
به‌ڕێوبه‌رایه‌تی كه‌شناسی و بوومه‌له‌رزه‌زانی هه‌رێمی كوردستان بڵاویكرده‌وه‌، ئه‌مڕۆ پێنجشه‌ممه‌ ئاسمان هەور دەبێت بەگشتی، لەگەڵ ئەگەری نمەبارانی کەم لەناوچە جیاجیاکانی هەرێم، لەناوچە شاخاوییەکان کەمێک کاریگەری زیاتر دەبێت، خێرایى با لەسەرخۆ- مامناوەند ( 15 –  20) کیلۆمه‌تر دەبێت.  

ئاماژه‌ی به‌وه‌ش كردووه‌، ئاڕاستەی با لەنێوان باشووری خۆرهەڵات بۆ باکووری ژۆرهەڵات دەبێت، پلەکانی گەرما/ نزیک دەبێتەوە  بەراورد بە تۆمارکراوەکانی دوێنێ، مەوداى بینین لە نێوان (7 –9  ) کیلۆمه‌تر دەبێت. 

كه‌شناسی ده‌ڵێت، سبەى هەینی لەئەنجامی کاریگەری نزمە پەستانێکی نوێ لە دەریای سپی ناوەڕاست ئاسمان هەوری تەواو دەبێت لەناوچە شاخاوییەکان و ناوەڕاستی هەرێم، نمەباران لەکاتەکانی بەرەبەیان دەست پێدەکات رێژەی دابارین زیاد دەبێت بەتایبەتی لەناوچەکانی بادینان و پارێزگای دهۆک تاکوو کاتەکانی دوایینیوەڕۆ، لەکاتەکانی ئێوارە کاریگەری بەلاوازی دەمینێتەوە لەناوچەکانی رۆژهەڵاتی هەرێم.  
ئه‌وه‌شی خسته‌ڕوو، خێراىی با مامناوەند ده‌بێت و ئاڕاستەی با ئاڕاستە گۆڕاو دەبێت، مەوداى بینین/ لە نێوان ( 7 – 9 ) کیلۆمه‌تر  دەبێت، لەشوێن و کاتی دابارین لەنێوان  (5 – 7 ) کیلۆمه‌تر  دەبێت، هه‌روه‌ها پلەکانی گەرما لەناوچە شاخاویەکان نزمدەبنەوە بە (2-3) پلە بەراورد بە تۆمارکراوەکانی ئەمڕۆ.
 

بەرزترین پلەکانی گەرمای پێشبینیکراو بە پلەی سیلیزی:

هەولێر:  16 پلەى سیلیزى
سلێمانی : 15 پلەى سیلیزى
دهۆک: 14  پلەى سیلیزى
کەرکوک: 19 پلەى سیلیزى
هەڵەبجە: 16 پلەى سیلیزى
 زاخۆ:   15 پلەى سیلیزى
گەرمیان:  24  پلەى سیلیزى
حاج ئۆمەران: 7 پلەى سیلیزى
سۆران: 12  پلەى سیلیزى

ئەم بابەتە 11990 جار خوێندراوەتەوە