پەیامی کورد   ...   بوومەلەرزەی بەهێز میانماری هەژاند و کوژراو برینداری زۆری کەوتووەتەوە

ڕووپێوی ژێئۆلۆژی ئەمریکا دەڵێت، دوو بوومەلەرزە میانماریان هەژاندووە و یەکێکیان ٧.٧ پلەی رێختەر بووە. هەروەها قووڵییەکەی ١٠ کیلۆمەتر بووە. بەشێک لە دانیشتووانی میانمار ووڵاتەکەیان بەرەو تایلەند جێهێشتووە. و زیاتر لە ١٥٧ کەسیش گیانیان لە دەستداوە و ژمارەیەکی دیکەش بریندارن کە ئاماری تەواو لە بەر دەستدا نییە . 
 
چەقی بوومەرلەزەکە، شاری ساگاینگ لە نێوەڕاستی ووڵاتەکە بووە. بوومەرلەرزەکە چەندین باڵەخانەی ڕووخاندووە و چەند شەقامێکیشی هەڵتەکاندووە.
 
جگە لە ووڵاتی میانمار، هەریەک لە ووڵاتانی تایلەند، هێندووستان، چین و بەنگڵادیش یشی گرتووەتەوە.
 
تاوەکوو ئێستا ڕاگەیێندراوی فەرمی لەلایەن حکوومەتی میانمار لەبارەی زیانەکانەوە بڵاو نەكراوەتەوە، بەڵام بەگوێرەی ڤیدیۆکانی سۆشیال میدیا، چەند باڵەخانەیەک ڕووخاون.