پەیامی کورد   ...   بەرپرسێکی ئەمریکی : ترامپ بەدوای شەڕدا لەگەڵ ئێران دا نییە

ئەکسیۆس بە پشت بەستن بە بەرپرسانی ئەمریکی ڕاپۆرتی دا کە حکوومەتی ئەمریکا بە جیددی بیر لە دانووستانی ناڕاستەوخۆی ئەتۆمی لەگەڵ ئێران دەکاتەوە دوای ئەوەی ووڵامی نامەیەکی وەرگرت کە بۆ ووڵاتەکەی ناردبوو.

یەکێک لەوان ڕایگەیاند کە ترامپ ووڵامی فەرمی ئێرانی وەرگرتووە بۆ نامەیەک کە سێ هەفتە لەمەوبەر لە کۆتایی هەفتەدا ناردبووی.

زیاتر ووتی، ئیدارەی ترامپ پێی وایە دانووستانی ڕاستەوخۆ شانسی سەرکەوتنی زیاتری هەیە، بەڵام ئەو فۆرمەتە ڕەت ناکاتەوە کە ئێرانییەکان پێشنیاری دەکەن و ناڕەزایی نییە بەرامبەر بە نێوەندگیری عوممانی لە نێوان هەردوولادا.

بە ووتەی بەرپرسێکی دیکەی ئەمریکی، "دوای ئاڵوگۆڕی نامە، بیر لە هەنگاوەکانی داهاتوو دەکەینەوە بۆ دەستپێکردنی دیالۆگ و دروستکردنی متمانە لەگەڵ ئێرانییەکان".

بە پاساوی بەهێزکردنی ئامادەیی سەربازی و جێگیرکردنی ئەمریکا لە ناوچەکە سەرەڕای بانگەشەکانی واشینتۆن بۆ دانووستان، ووتی "ترامپ نایەوێت بچێتە شەڕ لەگەڵ ئێران، بەڵکوو پێویستی بە سەروەت و سامانی سەربازی هەیە بۆ ئەوەی ڕێگری لە دانووستانەکاندا درووست بکات و ئامادەبێت بۆ هەنگاونان لە ئەگەری شکستی دانووستانەکان و پەرەسەندنی خێرای دۆخەکە".