پەیامی کورد   ...   بەریتانیا سزاکانی سەر 24 قەوارەی سووریای هەڵگرت

حکوومەتی بەریتانیا بەیاننامەیەکی بڵاوکردەوە و ڕایگەیاند، سزاکانی بەسەر 24 قەوارەی سووریادا هەڵوەشاندەوە کە لەنێویاندا بانکی ناوەندی سووریا و چەند بانکێکی تر و کۆمپانیای چالاک لە کەرتی نەوت و گازدا سەپێندراون و سەروەت و سامانە بەستووەکانیان بڵاوکردووەتەوە.
ئەم کارە لەسەر بنەمای پێداچوونەوەی خولی سزاکان و بە نوێکردنەوەی لیستی سزاکانی فەرمانگەی جێبەجێکردنی سزا داراییەکانی گەنجینەی بەریتانیا (OFSI) ئەنجام دراوە. وەزارەتی دارایی جەختی لەوە کردەوە کە ئەو قەوارانە چیتر تووشی بەستنی سەروەت و سامان نابن و دەتوانن درێژە بە چالاکییە دارایی و بازرگانییەکانیان بدەن.