پەیامی کورد   ...   بە سەرپەرشتی سەرۆکی حکوومەت دوو ڕێککەوتننامەى گرینگ لە بواری وزە لە واشینتۆن واژوو دەکرێن

ئێوارەی دووشەممە 5/19، مەسروور بارزانی، سەرۆکی حکوومەتی هەرێمی کوردستان، لە چوارچێوەی سەردانە فەرمییەکەی دا بۆ ئەمەریکا، لە ڕێورەسمێکدا لە ژووری بازرگانی ئەمریکا لە واشینتۆن، سەرپەرشتی و چاودێری ڕێوڕەسمی واژووکردنی دوو ڕێککەوتننامەی گرینگ لە بواری ووزەدا دەکات.

هەردوو کۆمپانیای نەوتی ئەمریکی ئێچ کەی ئێن ئەنەرگی HKN Energy و وێستێرن زاگرۆس WesternZagros، بە جیا دوو ڕێککەوتننامەی گەورە و گرینگ لە بواری پەرەپێدانی کەرتی نەوتی هەرێمی کوردستان، لەگەڵ حکومەتی هەرێمی کوردستان واژوو دەکەن، کە بەهاکەیان دەگاتە دەیان ملیار دۆلار و کاریگەرییەکی دیار و ئەرێنییان لەسەر پێشخستنی کەرتی نەوت و ووزە و ژێرخانی ئابووری هەرێمی کوردستان دەبێت.