پەیامی کورد   ...   ترامپ : بۆ ماوەیەکی درێژ لە هێرشکردنەکانمان بۆ سەر حووسییەکان بەردەوام دەبین

لەگەڵ بەردەوامی هێرشە ئاسمانییەکانی ئەمریکا بۆ سەر پێگەکانی حووسییەکانی یەمەن، دۆناڵد ترامپ، سەرۆکی ئەمەریکا ڕایگەیاند "بۆ ماوەیەکی درێژ لەو هێرشانە بەردەوام دەبین و گورزی وێرانکەر و ئازاربەخش لە حووسیەکان دەدەین."

لە گفتوگۆیەکدا ترامپ ووتی : حووسییەکان دەیانەوێت هەڵمەتەکانیان ڕابگرن و دانووستان بکەن، چوونکە بە شێوەیەکی خراپ شکستیان هێنا.

ئاماژەی بەوەش کردووە "تامەزرۆی ئاشتین، چوونکە زەبرەکانمان کاریگەرییەکی زۆری کردووەتە سەریان؛ بەڵام لەبەری ئەوەی ئەو گرووپە لەلایەن ئێرانەوە پاڵپشتی دەکرێن، ئامادەی دانووستان نیم لەگەڵیان دا."

جەختی لەوەش کردەوە "ئەوەی حووسییەکان بە هێرشکردنە سەر کەشتییە بازرگانییەکان بۆ پەکخستنی کەشتیوانی لە دەریای سووردا کردیان، کردەوەیەکی یەکجار ترسناک بوو."