پەیامی کورد   ...   ترامپ بە ڕێژەی 2 خاڵ پێشەنگی هاریس کەوت

کاندیدی کۆمارییەکان لە هەڵبژاردنەکانی سەرۆکایەتی ئەمریکادا بە ڕێژەی 2 خاڵ لە ڕکابەرەکەی لە دیموکراتەکانی بردەوە.

بەپێی دوایین ڕاپرسی نیشتمانی، "دۆناڵد ترامپ"، سەرۆکی پێشووی ویلایەتە یەکگرتووەکانی ئەمریکا و کاندیدی پارتی کۆمارییەکان لە هەڵبژاردنەکانی داهاتووی سەرۆکایەتی ئەم ووڵاتە، لە "کامالا هاریس"، جێگری سەرۆکی ئەمریکا و... کاندیدی پارتی دیموکرات لە هەڵبژاردنەکانی ٥ی تشرینی دووەم (١٥ی نۆڤەمبەر)دا.

لە ڕاپرسییەکەدا کە ڕۆژنامەی وۆڵ ستریت ژۆرناڵ ئەنجامدراوە، دەرکەوتووە کە لەسەدا ٤٧ی دەنگدەرانی ئەمریکی ترامپ هەڵدەبژێرن و لەسەدا ٤٥ دەنگ بە هاریس دەدەن. هەروەها ئەم ڕاپرسییە دەریخستووە کە ٥٢%ی دەنگدەران ڕەزامەندییان لەسەر ئەدای ترامپ لە ماوەی سەرۆکایەتی ئەمریکادا دەربڕیوە، و تەنها ٤٢%ی ئەدای هاریس وەک جێگری سەرۆکی ئەمریکا.

ڕاپرسییەکە لە 19 تا 22ی ئۆکتۆبەر لەنێوان 1500 دەنگدەر ئەنجامدراوە و ڕێژەی هەڵەی 2.5% بووە.
لە ڕاپرسییەکی دیکەدا کە ڕۆژنامەی فاینانشیاڵ تایمز بڵاویکردووەتەوە، دەرکەوتووە کە ترامپ لە پێش هاریس ەوەیە و ئەو کاندیدەیە کە زۆربەی ئەمریکییەکان متمانەیان بە ئابووری هەیە. لە ڕاپرسییەکەدا دەرکەوتووە کە لەسەدا ٤٤ی دەنگدەرانی تۆمارکراو ڕایانگەیاندووە کە متمانەیان بە ترەمپ زیاترە بۆ مامەڵەکردن لەگەڵ ئابووریدا، لەکاتێکدا لەسەدا ٤٣ی دەنگدەرانی هاریسیان هەڵبژاردووە.

بەڵام به گوێرەی هەواڵی ئاژانسی سپۆتنیک، هاریس باشتر له ترامپ نوێنەرایەتی بەرژەوەندییه ئابوورییەکانی چینی ناوەڕاست و بزنسی بچووک دەکات، که وەک نوێنەری باشتری بەرژەوەدی کۆمپانیا گەورەکان و تاکه دەوڵەمەندەکان دەبینرێت.

بەگوێرەی ووڵامدەرەوەکان لە ڕاپرسییەکەی فاینانشیاڵ تایمز، سەرچاوەی سەرەکی نیگەرانی دارایی بۆ ئەوان بەرزبوونەوەی نرخەکانە، هەروەها ئاستی داهات و تێچووی کرێ و تێچووی چاودێری پزیشکی.

ڕاپرسییەکە لە ١٧ تا ٢١ی ئۆکتۆبەر بە شێوەی ئۆنلاین لە نێوان هەزار و حەوت دەنگدەر ئەنجامدراوە و ڕێژەی هەڵەی ٣.١%ی هەبووە.

ئەم ڕاپرسییە لە کاتێکدا ئەنجام دراوە کە ئێستا کەمتر لە ٢ هەفتە ماوە بۆ هەڵبژاردنی سەرۆکایەتی ئەمریکا لە ساڵی ٢٠٢٤ کە تیایدا کامالا هاریس و دۆناڵد ترامپ لە کێبڕکێیەکی توونددان.

ئەم بابەتە 4150 جار خوێندراوەتەوە