پەیامی کورد    ...   ترامپ : زێلێنسکی و بایدن تاوانبارن لە شەڕی ڕووسیا !

لە چاوپێکەوتنێکدا لەگەڵ برایان کیلمید لە ڕادیۆی فۆکس نیووز کە ڕۆژی هەینی بە کاتی ناوخۆی ئەمریکا پەخشکرا، دۆناڵد ترامپ سەرۆکی ئەمریکا دانی بەوەدانا کە ڕووسیا ئۆکراین ی داگیرکردووە، بەڵام سەرەڕای ئەوەش بانگەشەی ئەوەی کرد کە جۆ بایدن سەرۆکی ئەمریکا و زێلینسکی سەرۆکی ئۆکراین تاوانبارن لە شکستی دانووستانەکان لەگەڵ مۆسکۆ.

ترامپ سەبارەت بە زێلێنسکی وتی: ساڵانێکە چاودێری دەکەم، و بەبێ هیچ کارتێکی بردنەوە سەیری دانووستانەکانی دەکەم. هیچ ترامپ کارتێکی نییە. ئێمە لەم دانووستانانە بێزار بووین. بۆیە، پێموانییە زۆر گرینگ بێت بۆی کە لە کۆبوونەوەکاندا ئامادە بێت. ئەو گرێبەستکردن زۆر قورس دەکات.

ترامپ هەروەها ڕایگەیاندووە کە دەیەوێت لەگەڵ ڤلادێمیر پووتین سەرۆکی ڕووسیا ڕێکبکەوێت بۆ کۆتایی هێنان بە شەڕی ئۆکراین. سەرۆکی ئەمریکا ووتی: مەرج نییە پووتین دانووستان بۆ ئاگربەست بکات، چوونکە ئەگەر بیەوێت دەتوانێت هەموو ئۆکراین بگرێت.

ترامپ ووتی: هەر جارێک دەڵێم خەتای ڕووسیا نییە، هەمیشە بە هەواڵی ساختە ڕەخنەم لێدەگیرێت. بەڵام پێت دەڵێم، بایدن لێدوانی هەڵەی دا. زێلێنسکی لێدوانی هەڵەی دا. لەلایەن کەسێکی زۆر گەورەتر و زۆر بەهێزترەوە هێرشیان کرایە سەر.