پەیامی کورد   ...   ترامپ چاوپێکەوتنێکی تایبەت لەگەڵ ڕۆژنامەنووسی ئەمریکی تاکەر کارلسۆن ئەنجام دەدات

ئەمە یەکەم چاوپێکەوتنی دۆناڵد ترامپ دەبێت لەگەڵ کارلسۆن دوای ئەوەی لە دوو هەوڵی تیرۆرکردن و کشانەوەی سەرۆک بایدن لە کێبڕکێی سەرۆکایەتی ڕزگاری بوو.

دۆناڵد ترامپ دەڵێت، تاکەر کارلسۆن وەک هاوڕێیەکی ئەگەری کاندیدکردنی جێگری سەرۆکایەتی لە ساڵی ٢٠٢٤دا لەبەرچاو دەگرێت.

بە پێی زانیارییەکان بە پشت بەستن بە هیڵ، دۆناڵد ترامپ، دیارترین کاندیدی کۆمارییەکان لە هەڵبژاردنی سەرۆکایەتی ئەمریکا لە ساڵی ٢٠٢٤، ڕایگەیاند : من زۆر حەزم لە تاکەرە.

ترامپ لەم هەفتەیەدا لە میانی دەرکەوتنی لە بەرنامەی "The Clay Travis and Buck Sexton Show" ووتی "پێم وایە دەیکەم". پێم وایە دەتوانم بڵێم دەیکەم، چوونکە ئەو عەقڵی باشی هەیە. ئێمە سنووری پارێزراومان دەوێت. ئێمە دیوارێکمان دەوێت چوونکە دیوارەکان کاردەکەن.

تاکەر کارلسۆن، یەکێکە لە بێژەرەکانی هەواڵی تەلەفزیۆنی ئەمریکا و فۆکس نیوز کە زۆرترین بینەری هەبووە، لە مانگی نیساندا لە کۆمپانیای فۆکس دەرکرا. هۆکاری دوورخستنەوەی ناوبراو بوختان بوو سەبارەت بە ئەنجامی هەڵبژاردنەکانی ٢٠٢٠ و سەرکەوتنی جۆ بایدن.

لە شەوی یەکەمین دیبەیتی سەرەتایی کۆمارییەکان بۆ هەڵبژاردنی سەرۆکایەتی کۆمارییەکان لە مانگی ئابدا، کارلسۆن لە بەرنامەی X ی خۆیدا میوانداری چاوپێکەوتنێکی بەرفراوانی لەگەڵ ترامپ کرد. سەرۆکی پێشووی ئەمریکا لە چەند مانگی ڕابردوودا ڕەخنەی زیاتر لە فۆکس و خاوەندارییەتی کۆمپانیاکانی گرت و بەپێی زانیارییەکان بەهۆی بڕیارەکەی لە سەرەتای ئەمساڵدا بۆ وازهێنانی کارلسۆن ناڕەحەت بووە.

ئەم بابەتە 43 جار خوێندراوەتەوە