تەقینەوەی بۆمبێک لە باکووری ڕۆژئاوای پاکستان لانیکەم دوو کوژراو و هەشت برینداری لێکەوتەوە.
پەیامی کورد ... تەقینەوەی بۆمبێک لە باکووری ڕۆژئاوای پاکستان لانیکەم دوو کوژراو و هەشت برینداری لێکەوتەوە.
بەگوێرەی هەواڵێکی ئاژانسی سپۆتنیک، تەقینەوەکە ئەمڕۆ لە ناوچەی مەردان کە دەکەوێتە پارێزگای خەیبەر پختونخوا لە باکووری ڕۆژئاوای پاکستان ڕوویداوە.
سید موحسین نەقوی وەزیری ناوخۆی پاکستان ئەم ڕووداوەی بە تیرۆریست ناوبرد و ئیدانەی کرد.
پۆلیسی شاری مەردان ڕایگەیاند، بەهۆی تەقینەوەی بۆمبەکەوە دوو کەس گیانیان لەدەستداوە و هەشت کەسی دیکەش برینداربوون کە ژمارەیەک ژن و منداڵیان تێدایە. تا ئێستا هیچ گروپێک بەرپرسیارێتی تەقینەوەکەی ئەمڕۆی پاکستانی لە ئەستۆ نەگرتووە.
چەند ڕۆژێک لەمەوبەر تەقینەوەی بۆمبێک لە باکووری ڕۆژئاوای پاکستان ئەندامێکی پێشووی پەرلەمان و چوار کەسی دیکە کوژران.
گروپی خۆراسانی داعش بەرپرسیارێتی ئەم چالاکییەی لە ئەستۆ گرت.
ئەم بابەتە 24084 جار خوێندراوەتەوە