پەیامی کورد   ...   جووڵەی بەربڵاوی چەک لە لایەن گرووپە بە وەکالەتەکانی کۆماری ئیسلامی لە عێراق

 گرووپە چەکدارەکانی عێراقی سەر بە کۆماری ئیسلامی لە چەند ڕۆژی ڕابردوودا گۆڕانکاری بەرچاو و گواستنەوەی بەرفراوانیان لە بارەگاکانیان و کۆگاکانی چەکدا کردووە.

سەرچاوە نزیکەکانی ئەم گرووپانە هەواڵەکەیان بۆ میدیاکان پشتڕاست کردەوە و ڕایانگەیاند کە ئەم ڕێوشوێنانە لە دوای پێشهاتەکانی ئەم دواییەی ناوچەکە گیراونەتەبەر، لەوانە دەستپێکردنەوەی شەڕ لە غەززە و هێرشەکان لە لوبنان، هەروەها بەهۆی نیگەرانییەکان لە ئەگەری هێرشەکانی ئیسرائیل.

بەگوێرەی ئەو سەرچاوانە، بەشێک لە ڕەوتی سیاسی لە عێراق بە فشارخستنە سەر ئەو گرووپانە داوای کەمکردنەوەی گرژییەکانیان کردووە.

بەرپرسێکی باڵای هەماهەنگی مقاومەی عێراق ئاشکرای دەکات، محەممەد شیاع سوودانی، سەرۆکوەزیرانی عێراق پەیوەندی بە سەرکردەی ئەو گرووپانە کردووە و داوای لێکردوون خۆیان لە هەر ئۆپراسیۆنێکی سەربازی لە دژی ئیسرائیل بەدوور بگرن.