پەیامی کورد   ...   جگەرەکێشان مێشک بچووک دەکاتەوە

بەگوێرەی یۆرۆنیوز، ئەنجامی ئەم توێژینەوەیە، کە لە گۆڤاری تایبەتمەندی "دەروونی بایۆلۆجی: زانستی کراوەی جیهانی"دا بڵاوکراوەتەوە، دەریدەخات جگەرەکێشان وەک هۆکارێکی مەترسی دوورکەوتنەوە پەیوەندی بە بچووکبوونەوەی مێشکەوە هەیە و مەترسی تووشبوون بە نەخۆشی بیرچوونەوە زیاد دەکات.

زاناکان پێشتر دەیانزانی کە پەیوەندی لە نێوان جگەرەکێشان و بچووکبوونەوەی قەبارەی مێشکدا هەیە، بەڵام نەیاندەزانی کامیان کاریگەری لەسەر ئەوی دیکە هەیە.
پسپۆڕانی ئەمریکی، بە پشکنینی سکانی مێشکی زیاتر لە ٣٢ هەزار کەس، گەیشتنە ئەو ئەنجامەی کە جگەرەکێشان بە شێوەیەکی ڕۆژانە قەبارەی مێشکی مرۆڤەکان کەمدەکاتەوە.
بۆ زانینی ئەم پەیوەندییە، پسپۆڕانی ئەم توێژینەوەیە مێژووی جگەرەکێشان و داتای بۆماوەیی و سکانی مێشکی مرۆڤەکانیان شیکردەوە و گەیشتنە ئەو ئەنجامەی کە مەیلی بۆماوەیی کەسێک دەبێتە هۆی مەیلی جگەرەکێشان و جگەرەکێشان دەبێتە هۆی کەمبوونەوەی قەبارەی مێشک
پێشتر دەمانزانی جگەرەکێشان خراپە بۆ تەندرووستی دڵ و سییەکان، بەڵام ئەمە یەکەم جارە زاناکان سەرنجی کاریگەرییە نەرێنییەکانی لەسەر مێشک دەدەن.
لەم لێکۆڵینەوەیەدا پسپۆڕان بۆیان دەرکەوتووە کە مێشکی ئەو کەسانەی ساڵانێک لەمەوبەر وازیان لە جگەرەکێشان هێناوە بچووکترە لە مێشکی ئەو کەسانەی کە هەرگیز جگەرەیان نەکێشاوە.
بە ئەنجامی ئەم توێژینەوەیە وازهێنان لە جگەرەکێشان بۆ جگەرەکێشان گرنگتر دەبێت.
ئەم داتایانە دەریدەخەن کە وازهێنان لە جگەرەکێشان مێشک ناگەڕێنێتەوە بۆ قەبارەی سەرەتایی خۆی، بەڵام وازهێنان دەتوانێت ڕێگری لە زیان گەیاندنی زیاتر بە مێشک بکات.

ئەم بابەتە 89532 جار خوێندراوەتەوە