پەیامی کورد   ...   حێزبۆڵڵای لوبنان : فڕۆکەیەکی بێفڕۆکەوانی ئیسرائیلیمان لە ئاسمانی لوبنان خستووەتە خوارەوە

بزووتنەوەی حێزبۆڵڵای شیعەی لوبنان ڕایگەیاند، ڕۆژی شەممە فڕۆکەیەکی بێ فڕۆکەوانی ئیسرائیلی یان لە ئاسمانی لوبنان خستووەتە خوارەوە.
بەپێی هەواڵێک ، حێزبۆڵڵا لە بەیاننامەیەکدا ڕایگەیاندووە: "چەکدارانی بەرخۆدانی ئیسلامی ڕۆژی شەممە ڕێگرییان لە فڕۆکەیەکی بێ فڕۆکەوانی هێرمێس 900 کرد کە هێرشی کردە سەر گەل و گوندەکانمان و بە چەکی گونجاو لەسەر خاکی لوبنان هێرشیان کردە سەری. و ڕووخاندوویانە ".

دۆخی سنووری ئیسرائیل و لوبنان دوای دەستپێکردنی ئۆپراسیۆنە سەربازییەکانی ئیسرائیل لە کەرتی غەززە لە ئۆکتۆبەری ٢٠٢٣ خراپتر بوو. سوپای ئیسرائیل و چەکدارانی حێزبۆڵڵای لوبنان ڕۆژانە تەقە لە سەنگەرەکانی یەکتر دەکەن لە ناوچە سنوورییەکان. بەپێی ئامارەکانی وەزارەتی دەرەوەی لوبنان، نزیکەی ١٠٠ هەزار کەس لە باشووری لوبنان بەهۆی تۆپبارانەکانی ئیسرائیلەوە ناچاربوون ماڵەکانیان بەجێبهێڵن. لایەنی ئیسرائیلی باسی لە نزیکەی ٨٠ هەزار دانیشتووی باکووری ئیسرائیل کردووە کە لە دۆخێکی هاوشێوەدا بوون.