خولی دووەمی دانووستانەکانی ئەمریکا و ڕووسیا لە پشت دەرگا داخراوەکانەوە لە ڕیاز
پەیامی کورد ... خولی دووەمی دانووستانەکانی ئەمریکا و ڕووسیا لە پشت دەرگا داخراوەکانەوە لە ڕیاز
دانووستانکارانی ئەمریکا و ڕووسیا لە پشت دەرگا داخراوەکانەوە لە هۆتێلێک لە ڕیازی پایتەختی سەعوودیە کۆبوونەوە. بوژانەوەی ئاگربەستی دەریای ڕەش لە ساڵی ٢٠٢٢ یەکێکە لە تەوەرە گرینگەکانی وتووێژەکان. دوێنێ نوێنەرانی ئۆکراین لە هەمان شوێن لەگەڵ کاربەدەستانی ئەمریکا دانووستانیان ئەنجامدا و ئێستا لە نزیکەوە چاوەڕێی ئەوەن کە ئامادەبن ئەگەر دانووستانەکان بەرەو پێش بچێت.
ڕاوێژکارێکی ئۆکراینی بە ئاژانسی هەواڵی یوونیقونی ئۆکراین ی ڕاگەیاندووە، شاندی ئۆکراین بۆ گفتوگۆی زیاتر لەگەڵ ئەمریکا لە سەعوودیە دەمێننەوە.
سێرحی لێشچێنکۆ ئاماژەی بەوەدا کە دانووستانێکی لەو شێوەیە تەنها یەک ڕۆژ ناخاێنێت و دەتوانێت چەند مانگێک بەردەوام بێت.
لە واشینتۆن، دۆناڵد ترامپ، سەرۆکی ئەمریکا لە زاری وەزیری گەنجینەی ووڵاتەکەیەوە ڕایگەیاندووە، ڕێککەوتنێک کە ڕێگە بە ئەمریکا دەدات دەستی بگات بە یەدەگی کانزاکانی ئۆکراین "بەم نزیکانە واژوو دەکرێت".
ئەم بابەتە 25 جار خوێندراوەتەوە