دوا سێ ساڵ لە بێسەرووشوێن کردنی تاکوو ئێستا هیچ زانیارییەک دەربارەی ئەم هاووڵاتییە کوردە لە بەر دەستدا نییە
پەیامی کورد ... دوا سێ ساڵ لە بێسەرووشوێن کردنی تاکوو ئێستا هیچ زانیارییەک دەربارەی ئەم هاووڵاتییە کوردە لە بەر دەستدا نییە
بەردەوامی بێسەروشوێنکردنی زۆرەملێی پژمان مورادی لەلایەن ئیتلاعاتی سوپای پاسداران ەوە
نزیکەی ٣٦ مانگ بەسەر بێسەروشوێن کردنی پێژمان مورادی لەلایەن دەزگای ئیتلاعاتی سوپای پاسداران تێدەپەڕێت.
لە کاتێکدا هەندێک بەڵگە باس لەوە دەکەن کە ناوبراو بە نهێنی لە لایەن دادگای سنەوە دادگایی کراوە، لە سێهەمین ساڵی دیارنەمانی ئەم هاووڵاتییە کوردە، تا ئێستا بەرپرسانی دەزگای ئیتلاعات و قەزایی ئامادە نەبوون لە بارەی چارەنووسی ئەم لاوە، هیچ ووڵامێك بدەنەوە.
پژمان مورادی، لاوێکی کوردی خەڵکی شاری ڕەوانسەر سەر بە پارێزگای کرماشان، لە بەرواری ٢٦ی ڕەشەمەی ١٤٠٠ لە لایەن ئیتلاعاتی ڕێژیمەوە ڕفێندرا.
دوایین جار لەم بەروارەدا لە گوندی "دێوەزناو" لە ناوچەی سەروئاوا بیندراوە و دوای ڕفاندنی لەلایەن بەکرێگیراوانی دەزگای ئیتلاعاتی سوپای پاسداران، بنەماڵەکەی هیچ زانیارییەکیان لەبارەی بارودۆخی ناوبراوەوە نییە.
ئەم بابەتە 14 جار خوێندراوەتەوە