پەیامی کورد    ...   زانایان دۆزینەوەی هەسارەیەکیان بە قەبارەی زەوی ڕاگەیاند کە ڕەنگە شوێنی نیشتەجێ بوون بێت

زانایان هەسارەیەکی نوێیان بە قەبارەی زەوی دۆزیەوە کە تەنها 40 ساڵی نووری دوورە و دەتوانێت پاڵپشتی ژیانی مرۆڤ یان مرۆڤی نامۆ بکات.

ئەم هەسارەیە ناوی (Gliese 12 b)ە، لەلایەن فەلەکناسانی زانکۆی وارویکەوە بە بەکارهێنانی مانگە دەستکردەکانی ناسا چاودێری کراوە.

شارەزایان دەڵێن ئەم هەسارەیە کە پلەی گەرمی ڕووی نزیکەی ٤٢ پلەی سەدییە، یەکێکە لەو هەسارە بەردینانەی کە ناسراوە کە مرۆڤ لە ڕووی تیۆرییەوە دەتوانێت تێیدا بژی، ئەگەر بتوانین بگەینە ئەوێ.

زانایان هێشتا دڵنیا نین کە بەرگەهەوای گلیز 12 b چۆنە، یان لەڕاستیدا بەرگەهەوای هەیە، بەڵام دەڵێن قەبارەکەی نزیکەی قەبارەی ڤینۆسە و هەر 12.8 ڕۆژێکی زەوی بەدەوری ئەستێرە خانەخوێیەکەیدا دەسووڕێتەوە.

لە توێژینەوەیەکدا کە لە گۆڤاری ئاگادارییەکانی مانگانەی کۆمەڵەی فەلەکی شاهانە لە ٢٣ی ئایاردا بڵاوکراوەتەوە، تیمێک لە زانکۆکانی ئینگلتەرا و ئەمریکا، گلیس ١٢ بیان بە "نزیکترین هەسارەی مامناوەند بە قەبارەی زەوی وەسف کردووە کە تا ئێستا دۆزرابێتەوە".