پەیامی کورد   ...   سامانی ئیلۆن ماسک 300 ملیار دۆلاری تێپەڕاند

تێسلا جارێکی تر بوو بە تریلیۆن دۆلار؛ سامانی ئیلۆن ماسک 300 ملیار دۆلاری تێپەڕاند
بەهای بازاڕی تێسلا ڕۆژی هەینی بۆ یەکەمجار لە دوای ساڵی ٢٠٢٢ەوە ڕێژەی یەک تریلیۆن دۆلاری تێپەڕاند و ئیلۆن ماسکیش دەوڵەمەندتر بوو؛ بەهای سەروەت و سامانەکەی 300 ملیار دۆلاری تێپەڕاندووە.
بەپێی ڕاپۆرتی فۆربێس، بەهای پشکەکانی تێسلا لە مامەڵەکانی پاشنیوەڕۆی هەینی دا زیاتر لە 10% زیادی کردووە و گەیشتووەتە نزیکەی 330 دۆلار. هەروەها پشکەکانی کۆمپانیای زەبەلاحی ئۆتۆمبێل دوێنێ بە بەرزبوونەوەی 8% بە نرخی 321 دۆلار داخرا و گەشەی سێ ڕۆژەکەی بۆ 28% بەرزکردەوە.
زیادبوونی بەهای بازاڕی تێسلا و سامانی ئیلۆن ماسک
ئەمەش بووە هۆی ئەوەی بەهای بازاڕی تێسلا بۆ یەکەمجار لە مانگی نیسانی ٢٠٢٢ەوە بگاتە زیاتر لە یەک تریلیۆن دۆلار و بەهاکەی لە ماوەی ٦ مانگی ڕابردوودا نزیکەی دوو هێندە زیادی کردووە.
بە هەمان شێوە سامانی ماسک ڕۆژی هەینی ٣٠٠ ملیار دۆلاری تێپەڕاند بۆ یەکەم جار لە ماوەی زیاتر لە ٢ ساڵدا. بەڕێوبەری جێبەجێکاری کۆمپانیای تێسلا ڕۆژی هەینی نزیکەی ١٣ ملیار دۆلار دەوڵەمەندتر بوو لەگەڵ بەرزبوونەوەی پشکەکانی کۆمپانیاکە، هەروەها ٧٠ ملیار دۆلار دەوڵەمەندترە لە نزیکترین ڕکابەرەکەی کە لاری ئێلیسۆن بەڕێوەبەری جێبەجێکاری کۆمپانیای ئۆراکلە.
کۆمپانیای ماسک گەورەترین خاوەن پشکەکانی کۆمپانیای تێسلایە و لە ئێستادا خاوەنی 13%ی پشکەکانی بە بەهای نزیکەی 130 ملیار دۆلارە. پێش کۆتایی ساڵی ٢٠٢١ بەهای پشکەکانی تێسلا گەیشتبووە لووتکە کە ٤١٥ دۆلار بوو. لەو کاتەدا سامانی ماسک بە ٣٢٠ ملیار دۆلار مەزەندە دەکرا.
بەڕێوبەری جێبەجێکاری کۆمپانیای تێسلا لە چەند مانگی ڕابردوودا بە شێوەیەکی زۆر بەشداری سیاسەتی کردووە و لە هەڵبژاردنەکانی ساڵی ٢٠٢٤دا بە تووندی پاڵپشتی ترامپ ی نوێنەری کۆمارییەکان کردووە. نزیکەی ١٣٠ ملیۆن دۆلاری لە هەڵمەتی هەڵبژاردنەکانی ترامپ دا بەخشی و بووە کەسایەتییەکی دیار لە هەڵمەتی هەڵبژاردنەکاندا. لە ووتارەکەیدا "بۆچی ئیلۆن ماسک پشتگیری دۆناڵد ترامپ دەکات لە هەڵبژاردنەکانی ئەمریکادا؟" دەتوانن لە هۆکارەکانی ئەم پشتگیرییە تێبگەن.