پەیامی کورد   ...   سه‌رۆكى هه‌رێمى كوردستان له‌گه‌ڵ فه‌رمانده‌ى گشتی سوپاى پاسداران كۆبووه‌وه‌

له‌ چوارچێوه‌ى به‌رنامه‌ى سه‌ردانه‌كه‌یدا بۆ تاران، پاشنیوه‌ڕۆى سێشه‌ممه‌ 2024/5/7 نێچیرڤان بارزانى، سه‌رۆكى هه‌رێمى كوردستان، له‌گه‌ڵ ژه‌نه‌راڵ حسێن سه‌لامى، فه‌رمانده‌ى گشتی سوپاى پاسدارانى كۆمارى ئیسلامی ئێران كۆبووه‌وه‌.

له‌ كۆبوونه‌وه‌كه‌دا په‌یوه‌ندییه‌كانى ئێرانیان له‌گه‌ڵ عێراق و هه‌رێمى كوردستان به‌تایبه‌تى له‌ بوارى ئه‌منیدا تاوتوێ كرد. هه‌ردوولا جه‌ختیان له‌ گرینگی پته‌وكردنى زیاترى هاریكارى و هه‌ماهه‌نگیى لایه‌نه‌ په‌یوه‌ندیداره‌كانى كۆمارى ئیسلامی ئێران له‌گه‌ڵ عێراق و هه‌رێمى كوردستاندا كرده‌وه‌ بۆ پاراستنى ئاسایش و ئارامی سنووره‌كان و به‌ره‌نگاربوونه‌وه‌ى هه‌ڕه‌شه‌ ئه‌منییه‌كان له‌ هه‌رلایه‌كه‌وه‌ بێت.

له‌ ته‌وه‌رێكى دیكه‌ى كۆبوونه‌وه‌كه‌دا كاریگه‌رى و لێكه‌وته‌كانى شه‌ڕ و پێكدادانیان له‌ ڕۆژهه‌ڵاتى ناوه‌ڕاست له‌سه‌ر دۆخى ناوچه‌كه‌ تاوتوێ كرد. له‌مباره‌یه‌وه‌ هه‌ردوولا هاواڕ بوون له‌سه‌ر ئه‌وه‌ى كه‌ ده‌بێ هه‌مووان له‌پێناو پاراستنى سه‌قامگیریدا كار بكه‌ن و ڕێگه‌ نه‌درێت ئاڵۆزییه‌كان زیاتر ته‌شه‌نه‌ بكه‌ن.

هاوكارى و هه‌ماهه‌نگی ئه‌منى و سه‌ربازیىهه‌ولێر ـ به‌غدا، به‌ره‌نگاربوونه‌وه‌ى هه‌ڕه‌شه‌ و مه‌ترسییه‌كانى تیرۆر و چه‌ند پرسێكى جێى بایه‌خى هاوبه‌ش، لایه‌نێكى دیكه‌ى كۆبوونه‌وه‌كه‌ بوو.