سه‌رۆکی حکوومەت پێشوازی لە باڵیۆزی ئه‌مریكا لە عێراق كرد
پەیامی کورد ... سه‌رۆکی حکوومەت پێشوازی لە باڵیۆزی ئه‌مریكا لە عێراق كرد
باڵیۆزی ئەمریکا لە عێراق پیرۆزبایی لە سەرۆکی حکوومەتی ھەرێمی کوردستان دەکات بەبۆنەی سەرکەوتنی ھەڵبژاردن، ھاوکات ھەردوولا پێویستی چارەسەرکردنی کێشەکانی بەردەم پڕۆسەی ھەناردەکردنەوە نەوتیان تاووتوێ کرد.
ئێوارەی سێشەممە ١٠/٢٩، مەسروور بارزانی، سەرۆکی حکوومەتی ھەرێمی کوردستان، پێشوازی لە ئێلینا ڕۆمانۆوسكى، باڵیۆزی ئەمریکا لە عێراق کرد.
بابەتی سەرەکی گفتوگۆکان تایبەت بوو بە ھەڵبژاردنی پەرلەمانی کوردستان و ئەنجامەکانی. باڵیۆزی ئەمریکا پیرۆزبایی سەرکەوتنی ھەڵبژاردنی لە سەرۆکی حکوومەت کرد و ئاماژەی بەوە دا کە پڕۆسەکە بە شێوەیەکی ڕێک وپێک و لە کەشێکی ئاسایی و ئاشتییانە بەڕێوەچوو و ڕێژەی بەشداریش بەرز بوو.
ھەردوولا ھاوڕابوون لەسەر گرینگی دەستکردن بە ڕێکارەکانی پێکھێنانی کابینەی نوێ و لەیەک تێگەیشتنی لایەنە سیاسییەکانی ھەرێمی کوردستان لەمبارەیەوە.
لە بەشێکی دیکەی کۆبوونەوەدا، ھەوڵەکانی دەستپێکردنەوەی ھەناردەکردنی نەوتی ھەرێمی کوردستان و پێویستی چارەسەرکردنی کێشەکانی بەردەم پڕۆسەی ھەناردەکردنەوە تاووتوێ کرا.
ئەم بابەتە 41 جار خوێندراوەتەوە