پەیامی کورد   ...   سوودانی داوا ده‌كات ڕۆژی پێنجشه‌ممه‌ كۆبوونه‌وه‌ی ئه‌نجوومه‌نی پارێزگای كه‌ركووك بكرێت

سه‌رۆكوه‌زیرانی عێراق له‌ ڕاگه‌ێندراوێكدا داوا له‌ ئه‌ندامانی ئه‌نجوومه‌نی پارێزگای كه‌ركووك ده‌كات ڕۆژی پێنجشه‌ممه‌ یه‌كه‌م دانیشتنی خۆی به‌ سه‌رۆكایه‌تی به‌ ته‌مه‌نترین ئه‌ندام گرێ بدات، هاوكات داوا له‌ لایه‌ن سیاسییه‌ په‌یوه‌ندیداره‌كان ده‌كات بۆ جێبه‌جێكردنی ڕێككه‌وتنی ناو گفتوگۆ سیاسییه‌كان هاو كار بن.

ڕۆژی سێشه‌ممه‌ 9ـی ته‌ممووزی 2024، موحه‌ممه‌د شییاع سوودانی، سه‌رۆكوه‌زیرانی عێراق له‌ ڕاگه‌ێندراوێكدا داوای له‌ ئه‌ندامانی ئه‌نجوومه‌نی پارێزگای كه‌ركووك كرد ڕۆژی پێنجشه‌ممه‌ 11/7/2024‌ یه‌كه‌م دانیشتنی خۆی به‌ سه‌رۆكایه‌تی به‌ ته‌مه‌نترین ئه‌ندام له‌ باره‌گه‌ی ئه‌نجوومه‌نی پارێزگای كه‌ركووك گرێ بدات.

سه‌رۆكوه‌زیرانی عێراق له‌ به‌شێكی دیكه‌ی ڕاگه‌ێندراوه‌كه‌دا داوای له‌ لایه‌ن سیاسییه‌ په‌یوه‌ندیداره‌كان كردووه‌ بۆ جێبه‌جێكردنی ڕێككه‌وتنی ناو گفتوگۆ سیاسییه‌كان هاو كار بن و لە ڕۆژانی داهاتوودا ئەو گفتوگۆیانە تەواو بکەن.

هاوکات داوا لە هێزە سیاسییە پەیوەندیدارەکان دەکەین هاوکار بن بۆ تەواوکردنی جێبەجێکردنی ئەوەی لە گفتوگۆ سیاسییەکاندا ڕێککەوتنی لەسەر کراوە، هەروەها لە ڕۆژانی داهاتوودا ئەو گفتوگۆیانە تەواو بکەن.