سەرۆك بارزانی پێشوازی لە باڵیۆزی ئەمریكا لە عێراق کرد
پەیامی کورد ... سەرۆك بارزانی پێشوازی لە باڵیۆزی ئەمریكا لە عێراق کرد
پێشنیوەڕۆی ڕۆژی دووشەممە 9ی ئەیلوولی 2024 لە سەلاحەددین سەرۆك مەسعوود بارزانی پێشوازی لە ئەلینا ڕۆمانۆسكی باڵیۆزی ئەمریكا لە عێراق كرد.
لە دیدارەكەدا كە ستیڤن بینەر كونسووڵی گشتی ئەمریكا لە هەولێر ئامادەی بوو، باڵیۆزی ئەمریكا لە عێراق ئاماژەی بە دەرئەنجامەكانی دوایین سەردانی سەرۆك بارزانی بۆ بەغدا كرد كە كاریگەرییەكی زۆری هەبووە لەسەر ڕوانگەی لایەنە سیاسییەكانی عێراق و خوڵقاندنی كەشێكی ئیجابی بۆ مامەڵە لەگەڵ پرسە جیاجیاكان.
هەر لەو دیدارەدا باس لە بارودۆخی سیاسی عێراق و ناوچەكە و هەڵبژاردنەكانی پەرلەمانی كوردستان لە مانگی ئۆكتۆبەری داهاتوو و پێویستی بەڕێوەچوونی كەمپێنەكان لە كەشێكی ئازاد و دوور لەگرژی كرا.
پرسی مانەوەی هێزە هاوپەیمانەكان لە عێراق و هەڕەشەكانی تیرۆر لەسەر عێراق و ناوچەكە تەوەری تری ئەو دیدارە بوون.
ئەم بابەتە 72157 جار خوێندراوەتەوە