سەرۆك بارزانی پێشوازی لە باڵیۆزی بەریتانیا لە عێراق کرد
پەیامی کورد ... سەرۆك بارزانی پێشوازی لە باڵیۆزی بەریتانیا لە عێراق کرد
ڕۆژی یەكشەممە 14ی تەممووزی 2024 لە سەلاحەددین سەرۆك مەسعوود بارزانی پێشوازی لە ستیڤن هیتچن باڵیۆزی بەریتانیا لە عێراق كرد.
لە دیدارەكەدا كە ئاندرو بیزلی كونسووڵی گشتی بەریتانیا لە هەولێر ئامادەی بوو، باڵیۆزی بەریتانیا لە عێراق پێزانینی خۆی بۆ سەردانەكەی سەرۆك بارزانی بۆ بەغدا و دیداری لەگەڵ لایەنەكان دەربڕی و ڕایگەیاند ئەو سەردانە بووەتە هۆی درووستبوونی كەشێكی سیاسی ئیجابی لەناو پڕۆسەی سیاسی عێراق و سەردانێكی سەركەوتوو بوو.
هەر لەو دیدارەدا سەرۆك بارزانی باسی لە دەرئەنجامەكانی سەردانەكەی خۆی بۆ بەغدا كرد و پەیوەست بە پڕۆسەی سیاسی هەرێمیش سەرۆك بارزانی جەختی لە بەڕێوەچوونی هەڵبژاردنی پارلەمانی كوردستان لە كاتی دیاریكراوی خۆیدا كردەوە.
ڕووداو و پێشهاتە هەرێمایەتییەكان و هەڕەشەی تیرۆر و داهاتووی بوونی هێزە هاوپەیمانەكان تەوەری تری ئەو كۆبوونەوەیە بوون.
ئەم بابەتە 20259 جار خوێندراوەتەوە