سەرۆك بارزانی پێشوازی لە باڵیۆزی پاكستان لە عێراق کرد
پەیامی کورد ... سەرۆك بارزانی پێشوازی لە باڵیۆزی پاكستان لە عێراق کرد
ڕۆژی سێشەممە 27ی ئابی 2024 لە سەلاحەددین سەرۆك مەسعوود بارزانی پێشوازی لە محەمەد زیشان ئەحمەد باڵیۆزی پاكستان لە عێراق كرد.
لە دیدارەكەدا باڵیۆزی پاكستان لە عێراق خۆشحاڵی خۆی دەربڕی بۆ ئاوەدانی و ئارامی و ئەو پێشكەوتنەی لە هەرێمی كوردستان هاتۆتە ئاراوە و دەستخۆشی لە حكوومەت و سەركردایەتی هەرێمی كوردستان كرد. ئەوەشی بە سەرۆك بارزانی ڕاگەیاند، وڵاتەكەی خوازیارە پەیوەندییەكی نزیكی لە بوارە جۆراوجۆرەكانی بازرگانی و كولتووریدا لەگەڵ هەرێمی كوردستان هەبێ.
بارودۆخی سیاسی عێراق و ناوچەكە و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ و هەروەها هەڕەشەی تیرۆر لەسەر ئاستی جیهانی و ناوچەكە تەوەری تری ئەو دیدارە بوون.
ئەم بابەتە 93473 جار خوێندراوەتەوە