پەیامی کورد    ...   سەرۆك بارزانی پێشوازی لە شاندێكی زانایانی ئایینی کرد

ڕۆژی شەممە 18ی ئایاری 2024 لە سەلاحەددین سەرۆك مەسعوود بارزانی پێشوازی لە شاندێكی زانایانی ئایینی بە سەرۆكایەتی سەماحەتی شێخ ئەحمەد عەبدۆلڕەزاق ئەلسەعدی كرد.

لە دیدارەكەدا شاندی میوان سوپاس و دەستخۆشیان لە سەرۆك بارزانی كرد بۆ خەم خۆری و حەواندنەوەی ئەو سەدان هەزار ئاوارەیەی ڕوویان لە هەرێمی كوردستان كردبوو و هەوڵەكانی سەرۆك بارزانییان بۆ دەستەبەركردنی سەقامگیری بەرز نرخاند.

هەر لەو دیدارەدا بیروڕا لەبارەی بارودۆخی عێراق و هەڕەشە و ئالنگارییەكانی داهاتوو ئاڵوگۆڕ كرا و جەخت لە پێویستی هەماهەنگی نێوان لایەنەكان بۆ تێپەڕاندنی قەیران و دۆخە هەستیارەكان كرایەوە.