سەرۆك بارزانی پێشوازی کرد لە نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق
پەیامی کورد ... سەرۆك بارزانی پێشوازی کرد لە نێردەی تایبەتی سكرتێری گشتیی ڕێكخراوی نەتەوە یەكگرتووەكان لە عێراق
ڕۆژی سێشەممە 28ی ئایاری 2024 لە سەلاحەددین سەرۆك مەسعوود بارزانی پێشوازی لە جنین پلاسخارت نێردەی تایبەتی سكرتێری گشتی ڕێكخراوی نەتەوە یەكگرتووەكان لە عێراق كرد، كە بەبۆنەی كۆتایی هاتنی ئەركەكانی لە عێراق و بۆ ماڵئاوایی سەردانی سەرۆك بارزانی كردبوو.
لەدیدارەكەدا گفتوگۆ لەبارەی بارودۆخی ناوچەكە و دوایین پێشهاتەكان لەسەر ئاستی عێراق و ناوخۆی هەرێمی كوردستان كرا.
هەر لەو دیدارەدا سەرۆك بارزانی سوپاسی ئەرك و ماندووبوونی جنین پلاسخارتی كرد و پێزانینی بۆ ئەو ڕۆڵە باشە هەبوو كە لە ماوەی كاركردنی لە عێراقدا بە مەبەستی یارمەتیدانی سەقامگیری عێراق و لەیەك نزیككردنەوەی لایەنەكان و چارەسەركردنی كێشەكان گێڕاویەتی و هەروەها هیوای سەركەوتنی بۆ خواست لە ئەرك و كاری تازەیدا.
ئەم بابەتە 43288 جار خوێندراوەتەوە