پەیامی کورد   ...   سەرۆکوەزیرانی کەنەدا ووڵامی باجە نوێیەکەی دۆناڵد ترامپ ی دایەوە

سەرۆکوەزیرانی کەنەداڕایگەیاند : باجی %25 لەسەر هەموو ئەو ئۆتۆمبێلانە دەسەپێنین کە لە ئەمریکاوە هاوردە دەکرێن و پابەند نین بە ڕێککەوتنی بازرگانی ئەمریکا و مەکسیک و کەنەدا لە ووڵامی ئەو باجانەی کە ئیدارەی دۆناڵد ترامپ بەسەر ئۆتاوادا سەپاندووە، سەرۆکوەزیرانی کەنەدا ڕایگەیاند کە ووڵاتەکەی 25% باج دەخاتە سەر بەشێک لەو ئۆتۆمبێلانەی لە ئەمریکاوە هاوردە دەکرێن.

بەگوێرەی ڕاپۆرتێک  ، کەنەدا لە بەرانبەر سیاسەتی بازرگانی ترامپ تۆڵەی خۆی دەکاتەوە و بە سەپاندنی باجی 25% بەسەر ئەو ئۆتۆمبێلانەی لە ئەمریکاوە هاوردە دەکرێن و پابەند نین بە ڕێککەوتنی ئەمریکا و مەکسیک و کەنەدا (USMCA).

مارک کارنی سەرۆک وەزیرانی کەنەدا بەرەبەیانی پێنجشەممە لە کۆنگرەیەکی ڕۆژنامەوانیدا لە ئۆتاوا بەکاتی ناوخۆی ووڵاتەکەی ڕاگەیاند و ئاماژەی بەوەش کرد، ئەو باجە نوێیە بۆ پارچەی ئۆتۆمبێل ناگرێتەوە و کاریگەری لەسەر ئۆتۆمبێلی مەکسیکی نابێت.

ناوبراو پێشتر ڕایگەیاندبوو کە باجی نوێی ترامپ قەیرانێک دروست دەکات کە کاریگەری لەسەر ملیۆنان کەنەدی دەبێت و جەختیشی لەوە کردەوە: "بۆ ڕووبەڕووبوونەوەی قەیرانەکە، پێویستە یەک بگرین و بە ئامانج و بە هێزەوە مامەڵە بکەین و ئەوە دەکەین کە دەیکەین".