سەرۆکی حکوومەتی هەرێمی کوردستان پێشوازی لە ئەحمەد داوود ئۆغڵو کرد
پەیامی کورد ... سەرۆکی حکوومەتی هەرێمی کوردستان پێشوازی لە ئەحمەد داوود ئۆغڵو کرد
یەکشەممە 11/24، مەسروور بارزانی، سەرۆکی حکوومەتی هەرێمی کوردستان، پێشوازی لە ئەحمەد داوود ئۆغڵۆ، سەرۆکی پارتی ئاییندە و سەرۆکوەزیرانی پێشووتری تورکیا کرد.
لە کۆبوونەوەکەدا کە ئەرمان تۆپچوو، کونسووڵی گشتی تورکیا ئامادەی بوو، پەرەپێدانی پەیوەندییەکانی تورکیا و هەرێمی کوردستان و دوایین دۆخی گشتی عێراق و ناوچەکە تاوتوێ کرا.
سەرۆکی پارتی ئاییندە، ئاماژەی بە پێگەی گرینگی هەرێمی کوردستان کرد و جەختی لە بەهێزترکردنی پەیوەندییەکانی تورکیا لەگەڵ هەرێمی کوردستان کردەوە.
سەرۆکی حکوومەت خواستی هەرێمی کوردستانی بۆ بەرەوپێش بردنی پەیوەندییەکان لەگەڵ کۆماری تورکیا لە بوارە جۆراوجۆرەکاندا دووپات کردەوە.
ئەم بابەتە 118 جار خوێندراوەتەوە