پەیامی کورد   ...   سەرۆکی حکوومەت پێشوازی لە ئەندامی ئەنجوومەنی شارەوانی لامبێس-لەندەن کرد

چوارشەممە 5/15، مەسروور بارزانی، سەرۆکی حکوومەتی هەرێمی کوردستان، پێشوازی لە سەرباز بەرزنجی ئەندامی ئەنجوومەنی شارەوانی لامبێس سەر بە لەندەن-ی پایتەختی بەریتانیا کرد.

لە دیدارەکەدا کە جەیمس گۆڵدمان کونسوولی گشتی بەریتانیا لە هەرێمی کوردستان ئامادەی بوو، سەرۆکی حکوومەت دەستخۆشی لە سەرباز بەرزنجی کرد بۆ کار و چالاکییەکانی لە بەریتانیا و هیوای سەرکەوتنی لە ئەرکەکانیدا بۆ خواست.

سەرۆکی حکوومەت جەختیشی کردەوە کە پێویستە ڕەوەندی کوردستانی نموونەیەکی جوان و سەرکەوتوو بن لەو ووڵاتانەی لێی نیشتەجێن.
سەرباز بەرزنجی سوپاسی سەرۆکی حکوومەتی کرد و ئامادەیی خۆی بۆ کارکردن لە پێناو پەرەپێدانی پەیوەندییەکانی هەرێمی کوردستان و بەریتانیا دەربڕی.