پەیامی کورد    ...   سەرۆکی حکوومەت پێشوازی لە فەرماندەی گشتی هێزەکانی هاوپەیمانان لە عێراق و سووریا کرد

چوارشەممە 6/12 مەسروور بارزانى، سه‌رۆكى حکوومەتی هه‌رێمى كوردستان، پێشوازى له‌ ژەنەراڵ جۆول ڤاوڵ فەرماندەی گشتیی هێزەكانی هاوپەیمانان لە عێراق و سووریا و شاندێکی یاوەری کرد.

له کۆبوونەوەکەدا دوایین گۆڕانکاری و پێشهاتەکانی هەرێمی کوردستان و عێراق و سوریا تاوتوێ کران.

هەردوولا جەختییان لە بەردەوامی پشتیوانیکردنی چاکسازییەکانی وەزارەتی پێشمەرگە و یەکخستنەوەی هێزەکانی پێشمەرگە کردەوە.

گرینگی پاراستنی ئاسایش و سەقامگیری عێراق و هەرێمی کوردستان و بەهێزکردنی هەماهەنگی و هاوکاری نێوان هێزی پێشمەرگە و سوپای عێراق لەگەڵ هێزەکانی هاوپەیمانان بۆ ڕووبەڕووبوونەوەی هەڕەشە و مەترسییەکان تیرۆریستانی داعش و تیرۆر بەگشتی، تەوەرێکی دیکەی گفتوگۆکانی کۆبوونەوە بوو.