پەیامی کورد   ...   سەرۆکی هەرێمی کوردستان پیرۆزبایی لە سه‌رۆكی ئه‌مریكا کرد

چوارشەممە، 06-11-2024، نێچیرڤان بارزانی، سەرۆکی هەرێمی کوردستان لە پۆستێکی تۆڕی کۆمەڵایەتی ئێکس پیرۆزبایی لە دۆناڵد ترەمپ کرد بەبۆنەی دەرچوونی لە هەڵبژاردنی سەرۆکایەتی ئەمریکا. 

له‌ په‌یامه‌كه‌ی سه‌رۆكی هه‌رێمی كوردستاندا هاتووه‌، گەرمترین پیرۆزبایی خۆم ئاراستەی سەرۆک دۆناڵد ترامپ و جێگری سەرۆکی هەڵبژێردراو جەی دی ڤانس دەکەم بەبۆنەی سەرکەوتنیان لە هەڵبژاردنەکەدا.

نێچیرڤان بارزانی ئاماژه‌ی به‌وه‌ش داوه‌، بەوپەڕی خۆشحاڵییەوە چاوەڕێی ئەوەم کە پێکەوە کاربکەین بۆ زیاتر پتەوکردنی هاوبەشیمان و قووڵکردنەوەی پەیوەندییە دووقۆڵییەکانی نێوان هەرێمی کوردستان و عێراق و ئەمریکا.