پەیامی کورد   ...   سەرۆکی ھەرێمی کوردستان، فەرمانی ھەرێمی بۆ یەکەم کۆبوونەوەی پەرلەمانی کوردستان دەرکرد

دڵشاد شەهاب، ووتەبێژی سەرۆکایەتی هەرێمی کوردستان رایگەیاند : دووشەممەی هەفتەی داهاتوو، یەکەم کۆبوونەوەی خولی شەشەمی پەرلەمانی کوردستان بەڕێوەدەچێت.

رۆژی سێشەممە، 26ـی تشرینی دووەمی 2024، دڵشاد شەهاب لە کۆنفڕانسێکی رۆژنامەوانیدا ووتی: "ئەمڕۆ نێچیرڤان بارزانی، سەرۆکی هەرێمی کوردستان فەرمانی هەرێمی دەرکرد بۆ ئەوەی رۆژی دووشەممە، 2-12-2024 کاتژمێر 11:00ـی پێش نیوەڕۆ یەکەم کۆبوونەوەی پەرلەمان بەڕێوەبچێت."
ووتیشی، کۆمیسیۆن سەرۆکایەتی لە لیستی ناوی سەرکەوتووانی پەرلەمانی کوردستان ئاگادار کردووەتەوە.