سەرۆک بارزانی لە بەغدا پێشوازی لە باڵیۆزی فەڕەنسا لە عێراق کرد
پەیامی کورد ... سەرۆک بارزانی لە بەغدا پێشوازی لە باڵیۆزی فەڕەنسا لە عێراق کرد
پاشنیوەڕۆی چوارشەممە ٣ی تەممووزی ٢٠٢٣، لە شاری بەغدا سەرۆک مەسعوود بارزانی پێشوازی لە پاتریک دوریل باڵیۆزی فەڕەنسا لە عێراق کرد.
لە دیدارەکەدا سەرۆک بارزانی وێڕای ئاماژەدان بە کێشە و گرفتە سیاسیەکانی عێراق، هۆکارەکانی سەردانەکەی بۆ بەغدا و دیداری لەگەڵ لایەنە سیاسیەکانی عێراق شیکردەوە.
هەر لەو دیدارەدا باڵیۆزی فەڕەنسا لە عێراق بە بایەخەوە باسی سەردانی سەرۆک بارزانی کرد بۆ بەغدا و پێشوازیشی لە دیاریکردنی کاتی بەڕێوەچوونی هەڵبژاردنەکانی هەرێم کرد و ڕایگەیاند ووڵاتەکەی پشتیوانی لە باشتربوونی پەیوەندییەکانی نێوان هەرێمی کوردستان و عێراقی فیدڕاڵ دەکات.
پەیوەندییەکانی نێوان هەرێمی کوردستان و فەڕەنسا و پەرەسەندنە هەرێمایەتیەکان تەوەری تری ئەو کۆبوونەوەیە بوو.
ئەم بابەتە 24977 جار خوێندراوەتەوە