سەرۆک بارزانی پێشوازی لە باڵیۆزی ئێران لە عێراق کرد
پەیامی کورد ... سەرۆک بارزانی پێشوازی لە باڵیۆزی ئێران لە عێراق کرد
ڕۆژی پێنجشەممە 4ی تەممووزی 2024 لە شاری بەغدا سەرۆک مەسعوود بارزانی پێشوازی لە موحەمەد کازم ئال سادق باڵیۆزی کۆماری ئیسلامی ئێران لە عێراق کرد.
لە دیدارەکەدا بیروڕا لەبارەی بارودۆخی سیاسی عێراق و ناوچەکە ئاڵوگۆڕ کرا و سەرۆک بارزانی ئامانج و هۆکارەکانی سەردانی بۆ بەغدا خستەڕوو.
هەر لەو دیدارەدا باڵیۆزی ئێران لە عێراق ڕایگەیاند کە ووڵاتەکەی بە بایەخەوە سەیری سەردانەکەی سەرۆک بارزانی بۆ بەغدا دەکات و پشتیوانیەتی. هیواشی خواست ئەنجامی ئەرێنی لەم سەردانە بکەوێتەوە و کار بەو ڕێککەوتنانە بکرێت کە لەنێوان لایەنە عێراقییەکاندا هەیە.
پەیوەندییە دووقۆڵییەکان تەوەری تری ئەو دیدارە بوو.
ئەم بابەتە 24694 جار خوێندراوەتەوە